အသက်သုံးဆယ်အရွယ်မှာစတင်ရမယ့်အရာများ

အသက်ဆုံးဆယ်ဆိုတာဘဝရဲ့ ငါးပုံနှစ်ပုံခန့်ကို ဖြတ်သန်းပြီးစအရွယ်ဖြစ်ပါတယ်။ နုပျိုမှုနဲ့ ဘဝအတွေ့အကြုံ ဉာဏ်ပညာရင့်ကျက်မှု သမမျှတတဲ့အရွယ်ပါ။ ဒီအရွယ်မှာလိုက်နာသင့်တဲ့ အချက် ၁၉ ချက်ကို Brightside ဆိုတဲ့ website က ဆောင်းပါးတစ်ခုကနေ ကျနော် နားလည်သလောက်ဆီလျော်အောင်ဘာသာပြန်ထားပါတယ်။ ၃၀ ပြည့်စ၊ ကျော်စ သူငယ်ချင်းတွေဖတ်ဖို့ပါ smile emoticon

၁။ ဆေးလိပ်မသောက်ပါနဲ့။ ဆေးလိပ်သောက်တတ်သူဆိုရင်လည်း ချက်ချင်းဖြတ်ဖို့ကြိုးစားပါ။

ပိုက်ဆံကုန်တယ်၊ အနံ့ဆိုးတယ်၊ ရောဂါရဖို့ ၁၀၀ ရာခိုင်နှုန်းပြည့်သေချာတယ်။ ဆေးလိပ်သောက်တာကို ခုပဲရပ်လိုက်သင့်ပါပြီ။
.
၂။UV ခရင်မ်လိမ်းပါ

သင့်ရဲ့အသားအရေမှာ နေလောင်ဒဏ်တွေ၊ မှဲ့ခြောက်တွေ အဖုအပိန့်တွေမဖြစ်ချင်ဘူးဆိုရင်တော့ UV ခရင်မ်တစ်ခုခုကိုစလိမ်းဖို့လိုပါပြီ။
.
၃။ ပိုက်ဆံ စစုပါ။ နည်းတာများတာ ပဓာနမဟုတ်ပါ။

ပျင်းစရာကောင်းတဲ့အကြံပြုချက်ကြီးလို့ထင်စရာပါ။ ဒါပေမယ့် အသက်သုံးဆယ်နောက်ပိုင်းမှာ ကိုယ့်ရှိတဲ့ဝင်ငွေထဲက နည်းနည်းဖြစ်ဖြစ် စုဆောင်းထားတတ်တဲ့အကျင့်လုပ်ထားခြင်းဟာ အနာဂတ်အတွက် အာမခံချက်တစ်ခုကိုတည်ဆောက်နေခြင်းပါပဲ။
.
၎။ မိဘတွေ၊ မောင်နှမတွေနဲ့ဆက်ဆံရေးကောင်းကို တည်ဆောက်ပါ၊ မကောင်းရင်ပြင်ဆင်ပါ။

သင့်မိဘတွေ၊ မွေးချင်းတွေနဲ့ သင့်ရဲ့ဆက်ဆံရေးဟာ ရှုပ်ထွေးတယ်၊ အဆင်မပြေဘူးဆိုရင်တောင် သူတို့တွေနဲ့လိုက်လျောညီတွေဖြစ်အောင်ကြိုးစားဖို့လိုအပ်ပါတယ်။ မိသားစုသံယောဇဉ်ဆိုတာ ဘဝမှာအင်မတန်ကိုအရေးပါပါတယ်။ မိသားစုဆိုတာ သင့်ဘဝမှာ တန်ဖိုးအကြီးဆုံးအရာဆိုတာ အနှေးနဲ့အမြန်ဆိုသလို သင်သိလာပါလိမ့်မယ်။
.
၅။ ရုပ်ဝတ္ထုပစ္စည်းတွေအစား အမှတ်တရတွေကိုစုဆောင်းသိမ်းဆည်းပါ။

ဘဝတစ်ခုဆိုတာ အတွေ့အကြုံတွေ အမှတ်တရတွေနဲ့တည်ဆောက်ထားတာပါ။ အသက် ငါးဆယ်လောက်ကျမှ “ငါ့ဘဝမှာ ရုပ်ဝတ္ထုပစ္စည်းတွေပဲစုဆောင်းမိခဲ့ပြီး အမှတ်တရဆိုလို့ဘာမှမရှိ၊ ဗလာနတ္ထိဘဝကြီးပါလား” ဆိုပြီးနောင်တမရချင်ပါနဲ့။ အမှတ်တရဖြစ်ရပ်တွေဆိုတာ ဟောင်းသွားလို့ တန်ဖိုးကျတယ်တို့၊ မီးလောင်လို့ပျက်စီးသွားတယ်တို့ လုံးဝမရှိပါဘူး။
.
၆။ လောကကြီးကို တစ်ခုခုပြန်ပေးဖို့ကြိုးစားပါ။

သူတပါးအကျိုးကိုဆောင်ရွက်လိုက်ရခြင်းကြောင့် မိမိကိုယ်မိမိ လူကောင်းတစ်ယောက်အဖြစ် ထင်မြင်လေးစားမှုရရှိစေပါတယ်။ ဒါပေမယ့် သူတပါးအတွက်ပေးကမ်းဆောင်ရွက်တဲ့အခါ ဘာအကျိုးအမြတ်ကိုမှမမျှော်ကိုးဖို့နဲ့ တကယ့်ရင်ထဲနှလုံးထဲက လှိုက်လှိုက်လှဲလှဲဆောင်ရွက်ဖို့တော့လိုပါလိမ့်မယ်။
.
၇။ အားကစားလိုက်စားပါ။

သွက်လက်တဲ့ဘဝပုံစံမျိုးကို အခုပဲစတင်တည်ဆောက်လိုက်ပါ။ ကိုယ်လက်လှုပ်ရှားမှု ပုံမှန်လုပ်ပေးခြင်းရဲ့အကျိုးကျေးဇူးကို သင့်အသက် ငါးဆယ်ဝန်းကျင်ကျရင် သိသိသာသာခံစားရပါလိမ့်မယ်။ ကိုယ်အလေးချိန်ကို ထိန်းပါ၊ လေ့ကျင့်ခန်းပုံမှန်လုပ်ပါ။ ကိုယ့်ကိုယ်ကိုဂရုစိုက်ရမယ့်အရွယ်ရောက်လာပါပြီ။
.
၈။ ဘဝမှာရောင့်ရဲတတ်ဖို့ လေ့ကျင့်သင်ယူပါ။

တစ်ကိုယ်ရေပျော်ရွှင်မှုဆိုတာ လူသိများပြီးကမ္ဘာကျော်တဲ့အောင်မြင်မှုတွေထက်ပိုအရေးကြီးပါတယ်။ ကိုယ့်မှာရှိသမျှလေးနဲ့ရောင့်ရဲတတ်တဲ့အတွက်ကြောင့် မီလီလျံနာကြီးမဖြစ်ပေမယ့် ပျော်ရွှင်တဲ့လူသားတစ်ဦးတော့ဖြစ်စေမှာသေချာပါတယ်။ မီလီလျံနာသူဌေးကြီးဖြစ်လာရင်လည်း အောက်ခြေမလွတ်တဲ့၊ ဘဝကိုပျော်ရွှင်ကျေနပ်မှုရတဲ့ သူဌေးကြီးဖြစ်လာပါလိမ့်မယ်။
.
၉။ ဘဝရည်မှန်းချက်တွေကိုအကောင်အထည်ဖော်ဖို့ အချိန်မစောင့်ပါနဲ့တော့။

အိမ်တစ်လုံးလောက်ဝယ်ချင်နေလား ? အိမ်ထောင်ပြုပြီး သားသမီးတွေယူဖို့စိတ်ကူးနေလား? စာအုပ်တစ်အုပ်လောက်ရေးချင်နေလား ? မဟာဘွဲ့တစ်ခုခုယူဖို့စိတ်ကူးနေလား? အသက်မွေးဝမ်းကျောင်းလုပ်ငန်းအသစ်တစ်ခုစချင်ပြီလား ? တူရိယာတစ်ခုခု တီးမှုတ်တတ်ဖို့ လေ့လာချင်နေလား? ကိုယ်ပိုင်လုပ်ငန်းတစ်ခုထောင်ချင်နေလား? ဒီနေ့ပဲ သင့်အိမ်မက်ကိုအကောင်အထည်စဖော်ပါတော့။ “တစ်နေ့နေ့တော့စကိုစမယ်ကွ” ဆိုပြီး နေ့ရွှေ့ညရွှေ့လုပ်ရတာလွယ်ပါတယ်။ ဒါပေမယ့် သင့်အသက်သုံးဆယ်နောက်ပိုင်းရောက်လာရင် အချိန်ကအရင်ကထက်အကုန်မြန်တော့မှာ။ ဟိုလှည့်သည်လှည့်နဲ့ လေးဆယ် ငါးဆယ် ရောက်သွားမှာ။ သင့်အိမ်မက်တွေကို မဖြစ်မနေစတင်ရမယ့်အချိန်ဟာ သည်နေ့ သည်ချိန်ပါပဲ။
.
၁၀။ အိပ်ရေးဝဝအိပ်ပါ။

အလင်းရောင်စူးစူးတွေမရှိတဲ့၊ မှောင်ပြီးတိတ်ဆိတ်တဲ့ အခန်းမှာ အေးအေးချမ်းချမ်းအိပ်စက်ပါ။ အိပ်ယာထဲမှာ ဖုန်းမပွတ်ပါနဲ့။ အိပ်ပျော်ဖို့ခက်ခဲပါလိမ့်မယ်။ အိပ်ချိန်နဲ့ ထချိန်ကို သတ်သတ်မှတ်မှတ်လုပ်ထားပြီး အချိန်မှန်အိပ်၊ အချိန်မှန်ထဖို့ လေ့ကျင့်ပါ။
.
၁၁။ သွားကျန်းမာရေးကိုဂရုစိုက်ပါ။

သွားဆေးခန်းမှာ သင့်သွားနဲ့ခံတွင်းကိုအခုပဲစစ်ဆေးပါ။ ပျက်စီးနေတာတွေရှိရင်အခုကတည်းကပြင်ဆင်ဖာထေးလိုက်ပါ။ သွားကျန်းမာရေးဆိုတာ ဂရုမစိုက်ပဲထားရင် သူ့ဟာသူပြန်ကောင်းသွားတယ်လို့ ဘယ်တော့မှမရှိပါဘူး။ ပိုဆိုးလာဖို့ပဲရှိပါတယ်။ သွားနဲ့ပတ်သက်တဲ့ကုသမှုတွေက ဈေးကြီးတာမှန်ပါတယ်။ ဒါပေမယ့် မကုမဖြစ်အခြေအနေကျမှ ဆေးခန်းသွားရင် အဆပေါင်းများစွာပိုကုန်သလို ပိုလည်း နာပါလိမ့်မယ်။
.
၁၂။ စူးစမ်းလေ့လာပါ၊ ခရီးထွက်ပါ။

အိမ်ထဲကနေထွက်ပြီး ခရီးတွေသွားဖို့ ခုပဲပြင်ဆင်ပါတော့။ သင်သွားနိုင်သမျှ ဝေးဝေးနဲ့ သင်တတ်နိုင်သမျှ ထူးခြားဆန်းပြားတဲ့ နေရာတွေဆီကို ခရီးထွက်ပါ။ ဓာတ်ပုံတွေအများကြီးရိုက်ပါ။ စွန့်စွန့်စားစားသွားရမယ့်နေရာတွေအထိသွားပါ။ ဖြစ်နိုင်ရင်တော့ သင်နဲ့အရင်းနှီးဆုံးသူတစ်ယောက်ကိုခရီးဖော်အဖြစ် ခေါ်သွားပါ။ ဘဝမှာ ကြီးမားတဲ့အမှတ်တရတွေ ဖန်တီးလိုက်ပါ။ သင်အသက်ကြီးလာတဲ့အခါ ဒီခရီးတွေအကြောင်းပြန်တွေးပြီး ပြုံးနေပါလိမ့်မယ်။
.
၁၃။ ကျန်းမာရေးနဲ့ညီညွတ်စွာစားသောက်ပါ။

သင့်မှာပိုက်ဆံတွေရှိလွန်းလို့ တစ်ကမ္ဘာလုံးကိုဝယ်ရင်ဝယ်နိုင်ပါလိမ့်မယ်။ ဒါပေမယ့် ကျန်းမာရေးဆိုတာ ဝယ်ယူလို့မရပါဘူး။ ကျန်းမာရေးနဲ့မညီညွတ်တဲ့အစားအသောက်တွေကို အသက်သုံးဆယ်ကနေစပြီး ရှောင်ရှားပါ။
.
၁၄။ တစ်နှစ်ကို အနည်းဆုံး စာအုပ် ဆယ်အုပ်တော့ဖတ်ဖြစ်အောင်ဖတ်ပါ။

လူတစ်ကိုယ်လုံးမှာ သေတဲ့အထိဖွံ့ဖြိုးကြီးထွားနိုင်တဲ့အရာဟာ သင့်ရဲ့ဉာဏ်ပညာသာဖြစ်ပါတယ်။ ဦးနှောက်ကြီးထွားဖွံ့ဖြိုးအောင် စာကောင်းပေမွန်တွေနဲ့လေ့ကျင့်ပျိုးထောင်ပေးပါ။
.
၁၅။ စိတ်လေ့ကျင့်ခန်းတစ်ခုခုကိုသင်ယူလေ့ကျင့်ပါ။

စိတ်တည်ငြိမ်ခြင်းရဲ့ အကျိုးကျေးဇူးတွေဟာ အနန္တပါ။ ပြောလို့မကုန်ပါဘူး။ သင့်ဘက်ကရင်းနှီးရမှာဆိုလို့ တစ်နေ့တာရဲ့ အချိန်နည်းနည်းလေးရယ်ပါ။ စိတ်တည်ငြိမ်ရင့်ကျက်လာတာနဲ့အမျှ ပတ်ဝန်းကျင်မှာရှိတဲ့လူတွေကတောင် သင့်ရဲ့ပြောင်းလဲမှုကိုသတိထားမိလာကြပါလိမ့်မယ်။
.
၁၆။ ကိုယ့်ကိုယ်ကို သူများတွေနဲ့နှိုင်းယှဉ်တာမျိုးတွေမလုပ်ပါနဲ့တော့။

သူများတွေကိုယ့်ကိုအထင်ကြီးမကြီးဆိုတာ အရေးမပါမှန်း သင့်အသက် ၅၀ လောက်ကျရင် သင်သိလာပါလိမ့်မယ်။ ကိုယ့်လမ်းကိုယ် ခိုင်ခိုင်မာမာ လျှောက်ပါ။
.
၁၇။ ဒိုင်ယာရီရေးတဲ့အကျင့်လုပ်ပါ။

ဘဝထဲကအမှတ်တရဖြစ်ရပ်အချို့ဟာ သင်သတိတရနဲ့ ရေးမှတ်ထားတာမျိုးမလုပ်ရင် တစ်ချိန်ကျ မေ့သွားတတ်ပါတယ်။ အသက်ကြီးလာတဲ့အခါ ဘဝအမှတ်တရလေးတွေစုစည်းရေးမှတ်ထားတဲ့ ဒိုင်ယာရီလေးကိုပြန်ဖတ်ရတာ ဖျော်ဖြေမှုတစ်မျိုးပဲပေါ့။ Memory stick လေးနဲ့ အမှတ်တရ ဓာတ်ပုံလေးတွေအားလုံးကိုသိမ်းဆည်းထားပါ။ သင့်ရဲ့အမှတ်တရသိမ်းဆည်းတတ်တဲ့အကျင့်လေးကို သင့်ရဲ့အိမ်ထောင်ဖက် နဲ့ သားသမီးမြေးမြစ်တွေက ကျေးဇူးတင်ကြပါလိမ့်မယ်။
.
၁၈။ သူငယ်ချင်းတွေအပေါ် ဂရုတစိုက်ရှိပါ။

ကိုယ်နဲ့အသင့်တော်ဆုံး၊ ရင်ဘတ်ချင်းအနီးဆုံး သူငယ်ချင်းကိုရွေးချယ်ပေါင်းသင်းပါ။ သူတို့နဲ့အတူ ဘဝကို နိမ့်မြင့်မဟူ အတူတူဖြတ်သန်းပါ။ သူငယ်ချင်းကောင်းတွေနဲ့အဆက်အသွယ်မပြတ်ပါစေနဲ့။ အနည်းဆုံးတစ်ပတ်တစ်ခါတော့ အဆက်အသွယ်လုပ်၊ စကားစမြည်ပြောပါ။
.
၁၉။ ကိုယ်ပိုင်အိမ်တစ်လုံးဝယ်ယူပါ။

လူတော်တော်များများအတွက်တော့ ဒီအရာဟာ လက်ရှိအခြေအနေအရမလွယ်ကူနိုင်ပါဘူး။ ဒါပေမယ့် တစ်နေ့တာရဲ့ပင်ပန်းနွမ်းနယ်မှုတွေကို ကိုယ်ပိုင်ဆိုင်တဲ့ အိမ်လေးထဲမှာ အနားယူဖြေဖျောက်နိုင်ဖို့ ရည်မှန်းချက်ထားပြီး တတ်နိုင်သမျှကြိုးစားပါ။ အိမ်တစ်လုံးကို အသက် ၃၀ မှာအရစ်ကျနဲ့ဝယ်ယူနိုင်မယ်ဆိုရင် သင့်အသက် ၅၀ ဆို သင်ဟာ အိမ်ပိုင်ယာပိုင်နဲ့ဖြစ်နေဖို့သေချာသလောက်ရှိပါတယ်။

Credit to LwinPwin

Share to Timeline

Leave a Reply