ငါအသက်ငယ်သေးလို့ လုပ်ငန်းတစ်ခု တည်ထောင်ဖို့ မဖြစ်နိုင်ဘူးလို့ မထင်ပါနဲ့။ ပတ်ဝန်းကျင်က ပြောလာရင်လည်း

နားမယောင်ပဲ ကိုယ့်ကိုကိုယ် ယုံကြည်မှုရှိဖို့လိုအပ်ပါတယ်။

မြန်မာနိုင်ငံက အယူအဆတွေထဲမှာ အသက်ငယ်သေးရင် ကိုယ့်ခြေထောက်ပေါ် ကိုယ်မရပ်တည်နိုင်သေးဘူး မိဘအုပ်ထိန်းမှုအောက်မှာပဲရှိသင့် တယ်လို့ထင်ကြပါတယ်။ အသက်ငယ်သေးရင် အစွမ်းအစမရှိသေးဘူးလို့ အထင်အမြင်သေးတတ်ကြပါတယ်။

ဒါပေမယ့် အသက်ဘယ်လောက်ငယ်ငယ် ကိုယ်ပိုင်လုပ်ငန်း စတင်လို့ရပါတယ်။ ဖော်ပြထားတဲ့ အချက်တွေကတော့ အသက်ငယ်ပေမယ့် စီးပွားရေးလုပ်ငန်းစတင်ချင်သူတွေ အတွက် အကျိုးရှိစေမယ့် လိုက်နာစရာအချက်လေးတွေပဲဖြစ်ပါတယ်။

လေ့လာသင်ယူပါ

အတွေ့အကြုံမရှိသေးလို့ဆိုပြီး လက်လျော့ရင်တော့ အတွေ့အကြုံဘယ်တော့မှရလာမှာမဟုတ်ပါဘူး။ ငယ်ရွယ် သေးတဲ့အခါမှာ ပိုပြီးလေ့လာသင်ယူနိုင်စွမ်း ရှိပါတယ်။ အမှားတွေတော့ရှိမှာပါပဲ ဒါပေမယ့် ငယ်ရွယ်သေးတဲ့ အတွက် အမှားထဲကနေသင်ယူနိုင်ပြီး အမှားပြင်နိုင်ဖို့ အချိန်ပိုရမှာဖြစ်ပါတယ်။ အတွေးအမြင်သစ်တွေ အကြံဥာဏ်အသစ်တွေ ပိုများတာကိုလည်း တွေ့ရမှာဖြစ်ပါတယ်။

ပိုက်ဆံစုပါ

ဝင်ငွေမရှိသေးတဲ့အချိန်မှာ ဘယ်လို စီးပွားရေးလုပ်မလဲ။ မုန့်ဖိုးတော့ပုံမှန်ရနေမှာပါ။ ပိုက်ဆံစုတဲ့အကျင့်ကို ငယ်ရွယ်တဲ့အချိန်ကနေစသင့်ပါတယ်။ ကိုယ့်တစ်နေ့တာ အသုံးစရိတ်ထဲကနေ လိုတာပဲသုံးပြီး ပိုတာကိုစုထား ရမယ်။ တစ်နှစ်လောက်စုပြီးရင်ကိုတော်တော်လေးစုမိလာမှာပါ။ များလာတဲ့အခါ ကိုယ့်အတွက် လုပ်ငန်းလုပ်ဖို့ အရင်းအနှီး ဖြစ်လာတာပေါ့။ အောင်မြင်ဖြစ်ထွန်းချင်တဲ့လူငယ်တစ်ယောက်ဟာ သူများပျော်ပါးနေချိန်မှာ ကုန်းရုန်း အလုပ်လုပ် နေတတ်ပါတယ်။ သူများသုံးဖြုန်းနေတဲ့အချိန်မှာ ကိုယ်ကအကျိုးရှိရှိသုံးစွဲနေတဲ့အခါ အောင်မြင်မှု လမ်းစနဲ့ ပိုမိုနီးစပ်လာမှာပါ။

စီးပွားရေးစိန်ခေါ်မှုများနဲ့အခက်အခဲတွေကိုရင်ဆိုင်ဖို့အဆင်သင့်ရှိပါ

စီးပွားရေးလုပ်တယ်ဆိုတာ အသက်နဲ့မဆိုင်ပေမယ့် လူနဲ့တော့အလွန်ဆိုင်ပါတယ်။ စီးပွားရေးလုပ်တယ်ဆိုတာ လူတိုင်း အတွက်တော့မဟုတ်ပါဘူး။ သင့်မှာ စီးပွားရေးလုပ်လိုတဲ့စိတ် ပြင်းပြင်းပြပြရှိပြီး၊ ဦးဆောင်နိုင်စွမ်းရှိရပါမယ်။ အစပိုင်းမှာ အားကြိုးမာန်တက်လုပ်ပြီး အခက်အခဲလေးတွေတွေ့လာတာနဲ့ လက်လျော့လိုက်တာမျိုး မလုပ်မိပါစေနဲ့။ အခက်အခဲကတော့ ကြုံတွေ့ရမှာပါပဲ ဘယ်လိုဖြေရှင်းမယ်ရင်ဆိုင်မယ်ဆိုတာကိုအဆင်သင့်ပြင်ဆင် ထားရပါမယ်။

အစီအစဉ် ဆွဲထားရပါမယ်

Plan ချတယ်ဆိုတာအကျင့်ကောင်းတစ်ခုပါ။ လုပ်ငန်းလုပ်ပြီဆိုရင် အစီအစဉ်တွေစဆွဲရတော့မှာပေါ့။ ဘာကုန်ပစ္စည်းကို အရောင်းအဝယ်လုပ်မယ် Client တွေကဘယ်သူတွေဆိုတာသိအောင်လုပ်ရမယ်။ ဘယ်အသက်အရွယ်ကို ဦးတည်မယ်ဆိုတာလဲ သိထားရပါမယ်။

ကျရှုံးဖို့အတွက်ပြင်ဆင်ထားပါ

အပွင့်လင်းဆုံးပြောရရင် စီးပွားရေးစလုပ်ပြီတာနဲ့ အောင်မြင်တာ အရမ်းရှားပါတယ်။ ဒါပေမယ့်လုံးဝကြီး ရှုံနိမ့်သွားတာမျိုးလို့မသတ်မှတ်ပါနဲ့။ အထက်မှာပြောခဲ့သလိုပဲ အမှားတွေလုပ်မိတဲ့အခါ အဲ့ဒီ့အမှားထဲကနေ ပြန်လည် သင်ယူရမှာဖြစ်ပါတယ်။ နောက်တစ်ခုကတော့ သင့်ရဲ့လုပ်ငန်းကသိပ်ပြီး အမြတ်ရမှာမဟုတ်ပါဘူး။ အဲ့ဒီ့အရာတွေကို သေချာမှတ်သားပြီး နောက်ထပ်ပိုကောင်းတဲ့ plan တွေဆွဲဖို့ကြိုးစားရပါမယ်။

ကိုယ့်ကိုကိုယ်ယုံကြည်မှုရှိပါ

ကိုယ့်ကိုကိုယ်ယုံကြည်မှုရှိဖို့ အရမ်းအရေးကြီးပါတယ်။ သူများတွေကကိုယ့်ကို ဘယ်လောက်ပဲလျော့တွက် နေကြပါစေ နားမယောင်မိပဲ စိတ်ဓါတ်မကျသွားပါစေနဲ့။ ယုံကြည်မှုမရှိပဲလုပ်ရင် ဘယ်အလုပ်မှအဆင်ပြေပြေ အောင်မြင်မှာ မဟုတ်ပါဘူး။ သူတပါးဆီကပညာကိုယူပါ ဝေဖန်မှုကိုဆန်းစစ်ပါ ရှုံ့ချမှုကိုလျစ်လျူရှုပါ။