ကိုယ်ကျင့်တရားကိုယုံကြည်ပေးရန် မိဘများကို သေတမ်းစာရေးတောင်းပန်ပြီးကိုယ့်ကိုယ်ကို သတ်သေသွားတဲ့အင်ဂျင်နီယာဘွဲ့ရ အမျိုးသမီးငယ်

ဓာတ်ပုံ – ဇော်သစ်ဦး (ငါးသိုင်းချောင်း)

ဧရာဝတီတိုင်းဒေသကြီး၊ ရေကြည်မြို့နယ်၊ ငါးသိုင်းချောင်းမြို့မှ အမျိုးသမီးငယ်တဦးဟာ မိမိကိုယ်ကျင့်တရားကို ယုံကြည်ပေးရန် မိဘများကို စာရေးတောင်းပန်ပြီး ကိုယ့်ကိုယ်ကို သတ်သေသွားတဲ့ဖြစ်စဉ်

ငါးသိုင်းချောင်းမြို့မှာ ဒီကနေ့ နံနက်ပိုင်းက ဖြစ်ပွားခဲ့ပါတယ်။မိမိကိုယ်ကို သတ်သေခဲ့သူကတော့ ငါးသိုင်းချောင်းမြို့၊ ငဝန်ရပ်ကွက်၊ ဆယ်ကြီးလမ်းနေ အသက် ၂၃ နှစ်အရွယ်ရှိ မလွင်သက်မွန်ဖြစ်ပြီး သူမဟာ လျှပ်စစ်အင်ဂျင်နီယာဘွဲ့ရထားသူတယောက် ဖြစ်ကြောင်း သိရပါတယ်။

လူသေမှုဖြစ်ပွားကြောင်း သတင်းရလို့ ငါးသိုင်းချောင်းနယ်မြေရဲစခန်းက ယာယီစခန်းမှူး ဒုရဲအုပ် အောင်မျိုးလွင်နဲ့အဖွဲ့ သွားရောက်စစ်ဆေးချိန်မှာ မလွင်သက်မွန်ဟာ လက်သန်းလုံးလောက်ရှိတဲ့ ပလပ်စတစ်ကြိုးနဲ့ နေအိမ်ထုပ်တန်းမှာ ကြိုးဆွဲချသေဆုံးနေတာကို တွေ့ရပါတယ်။

သေဆုံးသူ မလွင်သက်မွန်အနီးမှာတော့ သူမ မသေခင် ရေးခဲ့တဲ့စာလေးတစောင်ကိုလည်း တာဝန်ရှိသူများက တွေ့ရှိခဲ့ရပါတယ်။ စာထဲမှာရေးထားတာတော့ -“သမီး မိသားစုကိုချစ်လွန်းလို့

သူနဲ့အခုထိ ကွဲကွာနေတာပါ။ သမီးရဲ့ကိုယ်ကျင့်တရားကို ယုံပေးပါ။ ဖုန်းဘေလ်ထည့်သမျှကို စစ်ကြည့်ပါ။ သမီးရဲ့လေ့လာမှုအတွက် အသုံးများသွားတယ်။ စီမံခန့်ခွဲမှုညံ့လို့

စာရင်း မပြည့်စုံတာ နားလည်ပေးပါ”လို့ မိဘများကို တောင်းပန်ထားပါတယ်။

ဆက်လက်ပြီး သူမဖုန်းဘေလ်တွေနဲ့ Wave အကောင့်တွေကို ဝင်စစ်ဖို့ ငွေပမာဏတွေဖော်ပြထားပြီး သူမရဲ့အဖေနဲ့အမေကို နောက်ဆုံးမှာကြားမှုတွေ ပြုလုပ်ခဲ့ပါတယ်။

“အမေ ငပိတွေမလုပ်ပါနဲ့တော့၊ ဝယ်စားလည်း လွယ်တာပဲကို။ အဖေ သမီးရည်မှန်းချက်ဖြစ်တဲ့ ဗေဒါအိတ် လုပ်ငန်းကို ဆက်လက်အကောင်အထည်ဖော်ပေးပါ။

သမီးကိုခွင့်လွှတ်ရင်ပေါ့”လို့ စာထဲမှာရေးသားထားပြီး အဆုံးသတ်မှာတော့ “အိမ်ရဲ့ပိုက်ဆံတွေကို သမီးဘယ်တုန်းကမှ စိတ်နဲ့တောင် မပြစ်မှားခဲ့ပါဘူး။

သမီးအခု လူတွေကို ဘယ်လိုရင်ဆိုင်ရမှာလဲ။ မိသားစုကို ချစ်တဲ့ သမီးငယ်လေး”လို့ မလွင်သက်မွန်ဟာ သူမ မကွယ်လွန်မီ နောက်ဆုံးအချိန်မှာ ရေးသားခဲ့ပါတယ်။

မလွင်သက်မွန်သေဆုံးမှုကို ငါးသိုင်းချောင်း နယ်မြေစခန်း ယာယီစခန်းမှူး ဒုရဲအုပ် အောင်မျိုးလွင်က တရားလိုပြုလုပ်ကာ သေမှုသေခင်း ၈/၂၀၁၈ နဲ့ အမှုဖွင့် စစ်ဆေးလျှက်ရှိကြောင်း သိရပါတယ်။

လူ့ဘဝဟာ ရခဲတဲ့အတွက် လူငယ်တွေအနေနဲ့ ဘဝကို အလွယ်တကူ အရှုံးမပေးဖို့နဲ့ မိဘတွေအနေနဲ့ ကိုယ့်သားသမီးတွေကို ရုပ်ပိုင်းရော စိတ်ပိုင်းဆိုင်ရာ ခံစားချက်တွေကို အလေးထားစောင့်ကြည့်ဖို့ ပုသိမ်မြို့က ဘက်စုံပရဟိတလုပ်ဆောင်နေတဲ့ မနောဖြူ ဆရာတော် ဦးစန္ဒာသီရိက မိန့်ကြားပါတယ်။

“်လောကမှာ ဘာအခက်အခဲပဲကြုံကြုံ အလွယ်တကူ လက်မြှောက်အရှုံးပေးတာတွေ မလုပ်ကြဖို့ ဦးဇင်း တိုက်တွန်းပါတယ်။ အသက်ရှင်နေသရွေ့ မနက်ဖြန်ဆိုတာ ရှိနေသရွေ့ မျှော်လင့်ချက်ရှိပါတယ်

ပြသနာ ဟူသမျှဟာလည်း ဖြေရှင်းဖို့နည်းလမ်း တစ်ခုမဟုတ်တစ်ခု ရှိပါတယ်။ ကိုယ်စိတ်ညစ်ချိန် စိတ်ဓာတ်ကျချိန်မှာ အခက်အခဲတွေကို ကိုယ့်အပေါ်နားလည် ပေးနိုင်သူတွေကို ရင်ဖွင့်တိုင်ပင်ပါ။

မိဘတွေကလည်း ကိုယ့်သားသမီး ဘာဖြစ်နေလဲ၊ ဘာခံစားနေရလဲ ဆိုတာ အမြဲစောင့်ကြည့်ပြီး သူတို့ကို နွေးထွေးစွာနဲ့ စကားပြောဆို ဆွေးနွေးပေးဖို့ လိုအပ်ပါတယ်”လို့ ဆရာတော် ဦးစန္ဒာသီရိက မိန့်ကြားပါတယ်။

ယခုနှစ်လည်ပိုင်းတွင် ဧရာဝတီတိုင်း၊ လပွတ္တာမြို့မှ လယ်သမားလင်မယားနှစ်ဦး ကြိုးဆွဲချသေဆုံးမှု ဖြစ်ပွားခဲ့သလို ပြီးခဲ့သည့် စက်တင်ဘာလအတွင်းကလည်း ပုသိမ်မြိူ့နယ်၊ ဇင်ပြွန်းကုန်းအုပ်စု၊ မြင်းချောင်းကျေးရွာမှ အသက် ၁၉ နှစ်အရွယ် အမျိုးသမီးငယ်တဦးမှာလည်း လူမှုရေးပြသနာကြောင့် ကြိုးဆွဲချ သတ်သေမှုဖြစ်ပွားခဲ့ကြောင်း သိရသည်။

Credit: Hninsi

Leave a Reply