ဆရာတော် အရှင်ဆန္ဒာဓိက၏ ထူးခြားတဲ့ သေတမ်းစာ

ဦးဇင်းသေရင်တော့…မျက်ကြည်လွှာတို့ နှလုံး ၊ အသည်း ၊ကျောက်ကပ် စတဲ့အတွင်းကလီစာတို့ ၊.တခြား အစားထိုးကုသလို့ရတဲ့ ခန္ဓာကိုယ် အစိတ်အပိုင်းတို့ ၊ သုံးလို့ရတာတွေကို လိုအပ်တဲ့ လူနာတွေအတွက် ခွဲဝေပြီး အသုံးပြုလိုက်ပါ။

လက်ဆစ်တစ်ဆစ် လိုလည်း လက်ဆစ်တစ်ဆစ် ၊ အကြောတစ်မျှင် လိုလည်း အကြောတစ်မျှင် လိုရာဖြတ်တောက်ယူုပြီး သုံးကြပေါ့။

ဆရာတော် အရှင်ဆန္ဒာဓိက၏ ထူးခြားတဲ့ သေတမ်းစာ 2

လူနာတွေအတွက် သုံးလို့ရသမျှ အကုန်လုံး ဖြတ်တောက်ယူပြီးပြီဆိုရင်တော့ ကျန်နေတဲ့ ရုပ်အလောင်းကို ဂုန်နီအိတ်ထဲထည့် ၊ ကျောက်တုံးတွေပါ ထည့်ပြီး ပင်လယ်ထဲသင်္ဘောနဲ့သယ်သွား ၊ ခပ်ဝေးဝေး ရောက်တာနဲ့ ရေထဲပစ်ချပြီး ငါးစာကျွေးလိုက်ပါလို့ ဒကာရင်းတွေ ၊ တပည့်ရင်းကလေးတွေကို သေချာမှာထားပါတယ်။

ဘဝတစ်သက်တာမှာ ကိုယ်စားခဲ့တဲ့ ငါးတွေတော်တော်များခဲ့ပြီ။ကိုယ့်ကိုလည်း ငါးတွေတစ်လှည့်ပြန်စား ပါစေဦး။

မီးရှို့၊ ပြာချပြီး အလကားပျောက်သွားမယ့် အတူတူ ပင်လယ်ထဲက ငါးတွေစားရတော့ ငါးတွေအတွက် အကျိုးရှိတာပေါ့။ ကိုယ်ကုသိုလ်ရဖို့ ရည်ရွယ်လုပ်တာ မဟုတ်ပေမယ့် ကိုယ်လည်း ကုသိုလ်ရသွားတာပဲ ဒါနကုသိုလ်။

ကိုယ်သေသွားရင် ကိုယ်မှာထားတဲ့အတိုင်း ကျန်ရစ်သူတွေ လုပ်မလုပ် မသေချာပေမယ့် ကိုယ့်စေတနာ၊ကိုယ့်မေတ္တာကတော့ ဒီအတိုင်းပဲ တစ်သက်မတ်တည်း ရှိတဲ့အတွက် ဒီကိစ္စကို သတိရလိုက်တိုင်း ကိုယ်ကတော့မသေခင်ကတည်းက ပုဗ္ဗစေတနာနဲ့ (ရှေ့ဦးစေတနာ၊တင်ကြိုစေတနာနဲ့) ကုသိုလ်ရနေတော့တာပါပဲ။

ဂုန်နီအိတ်က အပေါက်ပါတဲ့ ဂုန်နီအိတ်တော့ ဖြစ်ရမယ်။

ကြက်သွန်ထည့်တဲ့ ဂုန်နီအိတ်မျိုးပေါ့။ဒါမှငါးတွေစားလို့ အဆင်ပြေမှာလေ။ဆာလာအိတ်တို့ ၊ ပလက်စတစ်အိတ်တို့ဆို ငါးတွေစားမရဘဲဖြစ်နေလိမ့်မယ်။အနံ့ရလို့ ထိုးရင်လည်း ပါးစပ်တွေ နာနေမယ်။

ဒါ ဦးဇင်းရဲ့ သေတမ်းစာထဲက အချက်အလက်တစ်ခုပေါ့နော်……….

အရှင်ဆန္ဒာဓိက (အသေလှတဲ့သူ) တရားစာအုပ်မှကူးယူဖော်ပြပါသည်။

အားလုံးသော မိတ်ဆွေများ ကျန်းမာလို့ချမ်းသာကြပါစေ။

Credit: သက်လွင်ဦး

Leave a Reply