ဒေါ်လာသန်းတစ်ထောင့်ငါးရာတန် တရုတ်နောက်ခံစီမံကိန်းကို စိန်ခေါ်လုပ်ကိုင်သူ မြန်မာလုပ်ငန်းရှင်

ဆာ့ခ်ျပန်း (ခေါ်) ဦးသိမ်းဝေ (ဓာတ်ပုံ − ft.com)
မြန်မာတွင် ဘင်္ဂါလီ (မူရင်း တွင် ရိုဟင်ဂျာဟု ဖော်ပြထား) ပြဿ နာကြောင့် ရင်းနှီးမြှုပ်နှံသူများ အားလျော့ပြီး တရုတ်အစိုးရ နောက်ခံပေးထားသော စီမံကိန်း ကြီးများအပေါ် အာရှ၌ စိုးရိမ်ပူ ပန်မှုများ တိုးလာနေသော်လည်း မြန်မာစီးပွားရေးလုပ်ငန်းရှင်ကြီး ဆာ့ခ်ျပန်းသည် တရုတ်တို့ ဆောက်လုပ်မည့်ရန်ကုန်အတွက် အမေရိကန်ဒေါ်လာ သန်းတစ် ထောင့်ငါးရာတန် စက်မှုဇုန်သစ် ကို စိန်ခေါ်ကြိုးစားလုပ်ကိုင်နေ လေသည်။

သီရိလင်္ကာတွင် ပြဿနာ တက်ခဲ့သော တရုတ်အစိုးရပိုင် (စီစီစီစီ)ကုမ္ပဏီသည် ယခုနှစ် ကုန်လျှင် ဘဏ္ဍာရေးအစီအစဉ် များအပါအဝင် အဆိုပါရန်ကုန် စက်မှုဇုန်အတွက် စာရွက်စာတမ်း များကို အဆင်သင့်ဖြစ်နေမည်ဟု မစ္စတာပန်းက ပြောကြားသည်။ ထိုစက်မှုဇုန်မှာ မြန်မာပြည်၏ရှန် ကျင့်စက်မှုဇုန်ဖြစ်လာမည်ဟု သူ က ပုံဖော်ပြသည်။

‘‘ရက် ၆၀ အတွင်းမှာ ပထမ ဆုံး ရင်းနှီးမြှုပ်နှံမှုတွေ စတော့ မယ်’’ဟု စင်ကာပူတွင် တရားဝင်မှတ်ပုံတင်ထားပြီး မြန်မာပြည်၌ လုပ်ငန်းများစွာ လုပ်ကိုင်နေသည့်ရိုးမကုမ္ပဏီနှင့် မမ်မိုရီအုပ်စုများ ကို ကြီးကြပ်ကွပ်ကဲနေသည့် မစ္စ တာပန်းက ဆိုသည်။

သူသည် အစိုးရပိုင်သည့် ရန်ကုန်မြို့တော်သစ် ဖွံ့ဖြိုးရေး ကုမ္ပဏီတွင်လည်း အမှုဆောင် အရာရှိချုပ်အဖြစ် အခမဲ့ကြီးကြပ် ပေးမည်ဖြစ်သည်။

အဆိုပါစီမံကိန်း၌ ရန်ကုန် မြစ်အနောက်ပိုင်းတွင် စက်မှုဇုန် အသစ်အတွက် တံတားများ၊ လမ်း များနှင့် အခြားအခြေခံစီးပွားရေး အဆောက်အအုံဆောက်လုပ်မှု တွေ ပါဝင်မည်ဖြစ်သည်။ ထိုစက် မှုဇုန်သည် စရိတ်စကကြီးမှုနှင့် အမေရိကန်နှင့် ကုန်သွယ်ရေးစစ် ပွဲကြောင့် နေရာပြောင်းရန် လိုက် ရှာနေသည့် တရုတ်နှင့် အခြား ကုမ္ပဏီများကို ဆွဲဆောင်ရန် ရည် ရွယ်သည်။

ထိုစီမံကိန်းသည် အလုပ် အကိုင်နှစ်သန်းခန့် ဖန်တီးပေးနိုင် ပြီး ပထမအပိုင်းကို ၂၀၂၀ မှာ ပြီးရန် ရည်မှန်းထားသည်ဟု မစ္စ တာပန်းက ရှင်းပြသည်။

‘‘ဒီလိုပုံစံမျိုးအတွက် လိုလားတောင်းဆိုမှုက အရင်အနှစ် ၂၀ ထက်စာရင် အခု တကယ့်ကို အ ချိန်ကိုက်ဖြစ်လာတယ်။ ကုန် သွယ်ရေးစစ်ပွဲရှိရှိ၊ မရှိရှိ ဒီအရွေ့ က စနေပြီ။ အလုပ်သမားတွေ အများကြီးရနိုင်ပြီး တတ်နိုင်တဲ့ ဈေးနှုန်းနဲ့ နေရာတွေကို ရှာနေ ကြတယ်’’

တရုတ်စီစီစီစီက ထိုစီမံကိန်း အတွက် အခြေခံထောက်မပေး သော နေရာမှာသာ ရှိသော ကြောင့် သူတို့က အခြားကုမ္ပဏီ များပါ ပါဝင်လေလံဆွဲရန် အများ ပိုင်လေလံတင်ပြီး ကမ်းလှမ်းလမ်း ဖွင့်ပေးရမည်ဖြစ်သည်။

သို့သော်လည်း လေလံမခေါ် ဘဲ တရုတ်ကုမ္ပဏီကို တင်ဒါခွင့် ပြုလိုက်သည့် ဆုံးဖြတ်ချက်နှင့် ပတ်သက်ပြီး မစ္စတာပန်းအနေ ဖြင့် မေးခွန်းများ ရင်ဆိုင်ခဲ့ရ၏။

New Yangon Development Co.,Ltd မိတ်ဆက်ပွဲတွင် ဆာ့ခ်ျပန်း(ခေါ်) ဦးသိမ်းဝေက ရှင်းလင်းနေစဉ် (ဓာတ်ပုံ-ကျော်ဇင်သန်း)

သီရိလင်္ကာနိုင်ငံတွင် အစိုးရ က သူတို့လုပ်ပေးခဲ့သည့် ဆောင် ရွက်မှုများအတွက် အကြွေးမပေး နိုင်သောအခါ တရုတ်ကုမ္ပဏီက ဟန်ဘန်တိုတာဆိပ်ကမ်းကို ပြီး ခဲ့သည့်နှစ်က သိမ်းပိုက်လိုက် သည်။ ထို့ကြောင့် သည်ဖြစ်ရပ်က အာရှတစ်ဝန်းမှာ တရုတ်၏အ ကြွေးထောင်ချောက်စီမံကိန်းများ ၏အန္တရာယ်ကို ကြောက်ရွံ့စိုးရိမ် စိတ်များကို အရှိန်မြင့်လာစေ၏။ တရုတ်တို့သည် ပိုးလမ်းမကြီးအ တွက်၊ ရှေ့ပြေးစီမံကိန်းများအ တွက် သည်စီမံကိန်းများကို ထည့် ဆောက်နေသည်ဟု ဝေဖန်သူများ က ယုံကြည်ကြ၏။

သို့ရာတွင် မစ္စတာပန်းက ‘‘လူမှုရေးနဲ့ စီးပွားရေးတန်ဖိုးအ တွက် လုံးဝအခိုင်အမာကာကွယ် နိုင်တဲ့အတွက် သည်စီမံကိန်းအ တွက် ကျွန်တော်အတော်စိတ်အေး ပါတယ်’’ဟု ဆိုပါသည်။ သီရိ လင်္ကာစီမံကိန်းတွင် ပြဿနာ တက်ရသည်မှာ သီရိလင်္ကာသမ္မ တဟောင်းနှင့်လက်ရှိဝန်ကြီးချုပ် ဖြစ်သည့် မာဟင်ဒါရာဂျာပက် ဆာသည် ဆိပ်ကမ်းကို သင်္ဘော များကို ကုန်တင်ကုန်ချလာလုပ်ဖို့ အဆင်မပြေသည့် သူ၏ဇာတိ ခရိုင်မှာ ဆောက်လုပ်ရန် ဆုံးဖြတ် ခဲ့သည့်အတွက်ဖြစ်သည်ဟု သူ က အပြစ်တင်သည်။

‘‘စီစီစီစီက သည်နေရာက ဆိပ်ကမ်းဆောက်ဖို့ နေရာမှန်မဟုတ်ဘူးလို့ ကန့်ကွက်တာတွေ လုပ်ခဲ့ပေမယ့် သူက ဆောက် တာ’’

ပြီးခဲ့သည့်တစ်ပတ်ကလည်း မြန်မာအစိုးရသည် ကြာရှည်စွာ ညှိနှိုင်းဆွေးနွေးခဲ့ရသည့် ကျောက် ဖြူမြို့ ရေနက်ဆိပ်ကမ်းစီမံကိန်း ကို လက်မှတ်ရေးထိုးခဲ့သည်။ ထိုစီမံကိန်းကို တရုတ်အစိုးရ နောက်ခံပေးထားသော တရုတ်ကုမ္ပဏီ CITIC က လုပ်ဆောင်မည်ဖြစ်ပြီး မြန်မာအပေါ်မှာ အကြွေးတွေ အများကြီးတင်လာမှာကို စိုးရိမ်ရသည်အထိ စီမံကိန်းစရိတ်က လည်း ကြီးမားလွန်းလှသည်။ ထို့ကြောင့် မြန်မာဘက်မှာ တောင်းဆိုညှိနှိုင်းပြီး စီမံကိန်းကို တစ်ဆင့်ချင်းစတင်ရန် သဘောတူခဲ့သည်။ဒေါ်လာ တစ်ဘီလီယံကျော်တန် သော ရေနက်ဆိပ်ကမ်းနှစ်ခုဖြင့် စတင်ရန်စီစဉ်နေသည်။ ကျောက်ဖြူ အထူးစီးပွားရေးဇုန်၏ပိုင်ဆိုင် မှုမှာ မြန်မာ ၃၀ ရာခိုင်နှုန်း၊တရုတ် ၇၀ ရာခိုင်နှုန်းဖြစ်သည်။

‘‘အလားအလာမကောင်းတဲ့ အရာတစ်ခုကို သွားငွေချေးပြီး ဆောက်ရင် အကြွေးနွံထဲ နစ်မှာ ပေါ့’’

ရန်ကုန်စီမံကိန်းကိုမူ တရုတ်၊မြန်မာ ၇၅၊ ၂၅ နှုန်း အချိုးချပြင် ဆင်ပုံစံချထားပါသည်။ တရုတ် စီစီစီစီက ငွေကြေးစိုက်ထုတ်ပြီး ရန်ကုန်မြို့က မြေစိုက်မည်ဖြစ် သည်။

‘‘တရုတ်ကုမ္ပဏီ တစ်ခုက ကျွန်တော်တို့မြို့ရဲ့ ကြီးမားတဲ့အ စိတ်အပိုင်းကြီးကို သိမ်းနေတယ် ဆိုတဲ့ ပြောဆိုချက်က အဓိပ္ပာယ် မရှိပါဘူး’’ဟု မစ္စတာပန်းက ဆို သည်။

ရခိုင်ပြည်နယ် ပြဿနာကြောင့် ကုလသမဂ္ဂစုံစမ်းမှုများ လုပ်ရန် တောင်းဆိုနေပြီး အီးယူကလည်း မြန်မာကသွင်းကုန်များကို အခွန်ကင်းလွတ်ခွင့် ပေးထားမှုအား ပြန်လည်သုံးသပ်နေမှု ကြောင့် အချို့ရင်းနှီးမြှုပ်နှံသူတို့၏ မြန်မာအပါ် စိတ်အားထက်သန်မှု များ လျော့နည်းကျဆင်းချိန်မှာ ထိုစီမံကိန်းက ပေါ်လာတာဖြစ် သည်။ အာရှဖွံ့ဖြိုးမှုဘဏ်၏ အဆိုအရ တိုက်ရိုက်နိုင်ငံခြား ရင်းနှီးမြှုပ်နှံမှုများသည် ယမန်နှစ်က ဒေါ်လာ သန်းလေးထောင်ကျော် ကနေ ယခုဘဏ္ဍာရေးနှစ်ကာလ တွင် ဒေါ်လာသန်းတစ်ထောင့် ရှစ်ရာအထိ တစ်ဝက်ကျော်မက ကျဆင်းသွားသည်ဟုဆိုသည်။ နိုင်ငံခြားခရီးသွားဧည့်သည်များလည်း ကျဆင်းသွားသည်။

ကမ္ဘာ့ဈေးကွက်က မနှစ် သက်သည့် ဈေးကွက်တစ်ခုဖြစ် နေခြင်းနှင့် ရခိုင်ပြဿနာများ၏ ရိုက်ခတ်မှုဒဏ်ကို သူ၏ကုမ္ပဏီ များလည်း ခံစားခဲ့ရကြောင်း မစ္စ တာပန်းက ဝန်ခံပြောဆိုခဲ့သည်။

သို့ရာတွင် မြန်မာနိုင်ငံတွင် အနောက်တိုင်းသားရင်းနှီးမြှုပ်နှံ သူတို့ထက် အရေအတွက်ပိုများ သည့် အာရှသားရင်းနှီးမြှုပ်နှံသူတို့ သည် ရခိုင်က ပြဿနာများနှင့်မြန်မာကို ခွဲခြားမြင်ကြရာမှာပိုကောင်း သည်ဟုသူကရှင်းပြသည်။

‘‘အနောက်က မြန်မာကို ကြည့်ရာမှာ သုံးတဲ့ မှန်ပြောင်း တွေနဲ့ အရှေ့က ကြည့်တဲ့ မှန် ပြောင်းတွေက အရမ်းကို ကွာခြား ပါတယ်’’

အသက်(၆၅)နှစ်ရှိ တရုတ် သွေးပါပြီး မန်ဒရင်းတရုတ်စကား ကို ပြောသူ မစ္စတာပန်းသည် နှစ် နိုင်ငံစလုံး၏နိုင်ငံရေးကသောင်း ကနင်းကာလကို အတွေ့အကြုံရှိ ဖူးသူတစ်ဦးဖြစ်သည်။ သူသည် ဦးနေဝင်းအစိုးရ စစ်အာဏာသိမ်း သည့် ၁၉၆၅ မှာ မြန်မာကနေ တရုတ်ကို ထွက်လာခဲ့သည်။တရုတ်ပြည်က ယဉ်ကျေးမှုတော် လှန်ရေးအတွင်းပိတ်မိခဲ့ပြီး ပညာပေးစခန်းမှာ နေခဲ့ရသည်။ ၁၉၇၃မှာ ဟောင်ကောင်သို့ ပြောင်းလာခဲ့သည်။

၁၉၉၁ တွင် ဇာတိမြေမြန်မာ ပြည်သို့ ပြန်လာခဲ့ကတည်းက အိမ်ရာမြေ၊ ခရီးသွားလုပ်ငန်း၊ ငွေကြေးလုပ်ငန်း၊ ကားလုပ်ငန်း၊ ဗောက်စ်ဝက်ဂွန်၊ ကေအက်ဖ်စီ အပါအဝင် နာမည်ကြီးတံဆိပ်များကို ကိုယ်စားလှယ်ယူခြင်းတို့တွင် ရင်းနှီးမြှုပ်နှံခဲ့သည်။

သူ၏ပြည်တွင်းကုမ္ပဏီဖြစ် သည့် အိမ်ရာလုပ်ငန်းက ပထမ ရင်းနှီးမြှုပ်နှံမှုကုမ္ပဏီ၊ ကျန်းမာ ရေးစောင့်ရှောက်မှုနှင့် ရိုးမဘဏ်၊ လေကြောင်းလိုင်းတို့ကိုလည်း လုပ်ကိုင်သည်။ အကျင့်ပျက်ခြစားမှု နှင့် နာမည်ဆိုးရှိသည့် နိုင်ငံတစ်ခု မှာ မစ္စတာပန်းက နာမည်ပျက်မရှိ အောင် ရှောင်ရှားနိုင်ခဲ့သည်။

စီးပွားရေးလုပ်ရာမှာ ကျင့် ဝတ်နှင့်ညီညွတ်ရေးကို အားပေး မြှင့်တင်နေသော ပုဂ္ဂလိကအဖွဲ့ တစ်ဖွဲ့ဖြစ်သည့် Myanmar Centre for Responsible Busi-ness သည် မကြာသေးခင်က မစ္စတာပန်း၏ ကိုယ်ပိုင်လုပ်ငန်းများ လုပ်နေသော အက်ဖ်အမ်အိုင်နှင့် ဆာ့ခ်ျပန်းနှင့် ရောင်းရင်းများကုမ္ပဏီနှစ်ခုကို လုပ်ငန်းများဆောင် ရွက်ရာတွင် ပွင့်လင်းမြင်သာရှိမှု ပထမနှင့် တတိယအဆင့်နေရာ ပေးထားသည်။

ရန်ကုန်မြို့တော်သစ်စီမံ ကိန်းမှာ သူ၏ကိုယ်ပိုင်စီးပွားရေး လုပ်ငန်းများ ပါဝင်လေလံဆွဲခြင်း ကို သူက တားမြစ်ထားသည်။ သို့ သော် အနာဂတ်တွင် စီမံကိန်း၌ လိုအပ်သည့်ပစ္စည်းတင်သွင်းပံ့ပိုး သူများအဖြစ် ဆောင်ရွက်မှုကိုမူ မကန့်သတ်ထားပါ။ သူသည် အ ဆိုပါစီမံကိန်းကို သူ့ကိုယ်ကျိုး ထက် မြန်မာပြည်နှင့် သူ၏သမိုင်း အမွေအဖြစ် လုပ်နေသည်ဟု သူ နှင့် ရင်းနှီးသူတို့က သူ၏အမြင်ကို အားပေးထောက်ခံကြသည်။

‘‘ဒါက သူ့နိုင်ငံကို သူပြန် လည်ပေးဆပ်နိုင်တဲ့၊ လူထုအ သိုင်းအဝိုင်းကို ပြန်လည်ပေးဆပ် နိုင်တဲ့ သူ့ရဲ့အခွင့်အရေးပါ။ သူ့မှာအစဉ်အလာကောင်းတွေ ရှိခဲ့ပါ တယ်’’ဟု ရိုးမကုမ္ပဏီ အမှုဆောင် အရာရှိချုပ်ဟောင်း မစ္စတာအင်ဒရူးရစ်ချက်ကပြောကြားသည်။

(The Financial Times သတင်းစာမှ JohnReed ရေးသားသော Myanmar tycoon champions $1.5bn China-backed indus-trial zone ဆောင်းပါးကို လင်းလင်း ဘာသာပြန်ဆိုသည်။)

http://www.7daydaily.com

Leave a Reply