#ခြင်္သေ့လား၊ မြင်းကျားလား (ဗန်းမော်သိန်းဖေ)

လူတိုင်း ခြင်္သေ့နဲ့ မြင်းကျားတွေကို မြင်ဖူးကြပါတယ်။ သူတို့ဟာ ခွန်အားချင်း အများကြီး ကွာခြားကြပါတယ်။ ဒါပေမဲ့ သူတို့မှာ လူတွေ မသိကြတဲ့ စိတ်ပိုင်းဆိုင်ရာ ကွာခြားမှု ရှိနေတယ်။

ခြင်္သေ့ဟာ သားကောင်ကို လိုက်ဖမ်းဖို့အတွက် မြန်ဖို့ လိုတယ်။ သားကောင်ကို မိရင် မြေပြင်ပေါ်လဲချပြီး မလှုပ်နိုင်အောင် ကိုက်ခဲထားနိုင်ဖို့ သားကောင်ထက် ပိုပြီး သန်စွမ်းဖို့ လိုတယ်။ ဒါကြောင့် ခြင်္သေ့ဟာ သားကောင်ဖမ်းရာမှာ ကျွမ်းကျင်ဖို့ အမြဲလေ့ကျင့်နေတယ်။

မြင်းကျားကတော့ ပြေးရင် နောက်ဆုံး မဖြစ်အောင်နဲ့ သူ့နောက်မှာ ခြင်္သေ့အကိုက်ခံရမယ့် မြင်းကျားတစ်ကောင် ရှိနေဖို့ကို အမြဲသတိထားတယ်။ ဒါကြောင့် သူဟာ မြင်းကျားတစ်ကောင်ထက်ပဲ မြန်အောင် လေ့ကျင့်ထားတယ်။ (နောက်က လိုက်ဖမ်းတာ ခြင်္သေ့နှစ်ကောင်ဆိုရင်တော့ သူလည်း မလွတ်ပါဘူး)။

အခု မင်းတို့ကို မေးမယ်ကွာ။ “မင်းဟာ ခြင်္သေ့လား၊ မြင်းကျားလား”။ မင်း ဖြေနိုင်အောင် ငါ အောက်မှာ စဉ်းစားစရာ အချက်လေးတွေ ရေးပြပေးလိုက်တယ်။

“မင်းဟာ ခြင်္သေ့လို သူများတွေထက် သာအောင် အမြဲကြိုးစားနေသလား။ ဒါမှမဟုတ် မြင်းကျားလို မင်းထက် ညံ့သူတစ်ယောက် ရှိနေရင် ကျေနပ်နေပြီလား”။

အခု မေးမယ့် မေးခွန်းဟာ ကြမ်းသွားရင်တော့ သည်းခံကွာ။ “မင်းဟာ တောကြီးရဲ့ အရှင်သခင် ဘုရင် ဖြစ်ချင်သလား။ ဒါမှမဟုတ် တောဘုရင်ရဲ့ ညစာအတွက် အစားအသောက် ဖြစ်သွားချင်သလား”။

ဟုတ်ပါပြီ။ ငါ မင်းကို ခြင်္သေံ့လို တိရစ္ဆာန်တစ်ကောင် ဖြစ်ဖို့ ပြောနေတာ မဟုတ်ပါဘူး။ ခြင်္သေ့စိတ်ဓာတ် မွေးစေချင်တာပါ။ ခြင်္သေ့လို သူ့အရည်အချင်းကို ထက်မြက်အောင် ပြိုင်ဖက်တွေထက် သာအောင် အမြဲ လုပ်နေတာကို နမူနာယူစေချင်တာပါ။

ထပ်မေးမယ်နော်။ “မင်းဟာ ခြင်္သေ့လား၊ မြင်းကျားလား”။

ဗန်းမော်သိန်းဖေ

Leave a Reply