ရာဇဝင်ထဲက… “ပွဲကျောင်း” သမိုင်း

မြန်မာတို့၏ ပွဲကျောင်းသည် အေဒီ ၅ ရာစုလောက်မှ စ ၍ ပေါ်ပေါက်လာသည် ဟုယူဆရပါသည်။ ထိုအချိန်က တောထဲတွင် တရားထိုင်သည့်အခါ အညောင်း အညာ ပြေစေရန်အတွက် လည်းကောင်း၊ ခိုးသားဓမြတို့၏ ရန် ကို ရှောင်နိုင်ရန်အတွက် လည်းကောင်း သိုင်းပညာရပ် များကို တီထွင်ခဲ့ကြသည်။

ထိုသိုင်းပညာရပ်များဖြင့် ထင်ရှားလာသောအခါ နေပြည်တော်တွင် သိုင်းသင်ပေးသည့်သင်တန်းများကို ဖွင့်လှစ်ခဲ့ကြသည်။

ထိုသင်တန်း ကျောင်းများတွင် လူစည်းကာလာသော အခါ ဂါမ၀ါသီပွဲကျောင်း ဟု ခေါ်တွင်လာ ကြသည်။

ထိုအချိန်တွင် တောထဲတွင်ရှိသော ရသေ့များ၏ ပညာရပ်တွေသည်လည်း အရည၀ါသီ ပွဲကျောင်းအဖြစ် သို့ ရောက်ရှိခဲ့ကြသည်။ ဂါမ၀ါသီပွဲကျောင်းမှ ရသေ့၊ တပသီများသည် လူတွေကြားထဲတွင်နေထိုင်ရင်း လူတွေ ကို ဘာသာရေးမှိုင်းများ တိုက်ကာ စည်းစိမ် ခံခဲ့ကြသည်။

ထို့အတွက်ကြောင့် အနော်ရထာမင်းလက်ထက် တွင် ဂါမ၀ါသီပွဲကျောင်းများကို နှိမ်နင်းခဲ့သည်။ ပုဂံ ခေတ် တခေတ်လုံးတွင် ပွဲကျောင်းများ မှေးမှိန်ခဲ့သည်။

ပုဂံကို မွန်ဂိုများဝင်ရောက်တိုက်ခိုက်လာသည့် အချိန်မှ စ၍ အရည၀ါသီပွဲကျောင်းမှ လူငယ်လူရွယ်များက တိုင်းပြည်အတွက်ဝင်ရောက် တိုက်ခိုက်ခဲ့သည်။

ထိုအချိန်မှစ၍ ပွဲကျောင်းများပြန်လည် နေရာ ရလာ ခဲ့သည်။ပုဂံခေတ် ဂါမ၀ါသီပွဲကျောင်းများနှင့် မတူတော့ သည်မှာ ပင်းယခေတ်မှစ၍ ကုန်းဘောင်ခေတ် အထိ ပွဲကျောင်းမှ ကျောင်းအုပ်ချုပ်သူ နာယကများမှာ ရဟန်း သံဃာများဖြစ်လာသည်။

ထင်ရှားသည့်ပွဲကျောင်းဆရာတော်မှာ အင်းဝခေတ် ပထမမင်းခေါင် (မင်းဆွေ)၏ ဆရာ အောင်စည်းခုံ သံဃရာဇာ ဆရာတော်ဖြစ်သည်။

အင်းဝခေတ်တွင် ပွဲကျောင်းပညာရပ် အထွန်းကားဆုံး ဖြစ်သည်။သင်တန်းနည်းပြများမှာ လူပုဂ္ဂိုလ်၊ဖိုးသူတော် တို့ဖြစ်ကြသည်။ ကုန်းဘောင်ခေတ်အပြီး ကိုလိုနီခေတ် တွင် အင်္ဂလိပ်တို့က မြန်မာ့သိုင်းကို နှိမ်နင်းခဲ့သဖြင့် ပွဲကျောင်းပညာရပ်များ တိမ်မြုပ်ပျောက်ကွယ်ခဲ့ရသည်။

ပွဲ – ဟူသည်ကား…စည်ကားသော၊
ကျောင်း – ဟူသည်ကား…အတတ်ပညာများသင်ပေးရာ နေရာ ဖြစ်သည်။

ပွဲကျောင်း – ဟူသည်ကား…အတတ်ပညာများကို သင်ကြားပေးသည့် စည်ကားသောနေရာ…ဟုအဓိပ္ပါယ် ရသည်။

ဂါမ၀ါသီ – ကား… ရပ်ရွာ ဟု အဓိပ္ပါယ်ရသည်။

အရည၀ါသီ – ဟူသည်ကား… တောအရပ်… ဟု အဓိပ္ပါယ် ရသည်။

#ဂါမ၀ါသီပွဲကျောင်း

ဂါမ၀ါသီပွဲကျောင်းနှင့် အရည၀ါသီပွဲကျောင်းသည် အဓိပ္ပါယ်ကွဲသလို ပညာရပ်များလဲ ကွဲပါသည်။

ဂါမ၀ါသီပွဲကျောင်းသည် လူတို့၏ ရပ်ရွာကိုအခြေခံ၍ အင်း၊ ယတြာ၊ အဆောင်၊ စုန်းပရောဂ၊ ကဲ့သို့ ပညာရပ် များ၊ကို အဓိကထားခဲ့ကြသည်။

ဆေးပညာတွင်လည်း ကာမဆန္ဒ အားဆေး၊ရုပ်ပျို ကိုယ်နုဆေး အစရှိသည့်ဆေးပညာရပ်များကိုသင်ကြား ရသည်။

သိုင်းပညာတွင်လည်း ရုပ်ပိုင်း ဆိုင်ရာလေ့ကျင့်မှု ဖြင့် အနိုင်ယူနိုင်အောင် သင်ကြား၊လေ့ကျင့်ရသည်။

(ရုပ်ပိုင်းဆိုင်ရာ လေ့ကျင့်မှု ဆိုသည်မှာ ခန္ဒာကိုယ်အား အထိုးခံနိုင်အောင်၊ သန်မာအောင် ခန္ဒာကိုယ် ကြီးမား အောင်၊ ကြံ့ခိုင်အောင် ကျင့်စဉ်များကို ကျင့်ခြင်း ဖြစ်သည်။)

#အရည၀ါသီပွဲကျောင်း

အရည၀ါသီပွဲကျောင်းသည် တောကိုအခြေခံသဖြင့် နက္ခဗေဒင်ပညာ၊နက္ခတ်အမြင်၊တောထဲတွင်ရှိသည့် သစ်မြစ်၊သစ်ဥတို့ဖြင့် ရောဂါများကိုကုသသည့် ဆေး ပညာများ။ တော၏ပရိယာယ်၊ တော၏မာယာတို့ အကြောင်း၊သစ်ပင်တို့အကြောင်း၊သစ်ပင်တက်နည်း၊ သစ်ပင်တွင် လင့်စင်ထိုးနည်း၊ထောင်ချောက် ဆင်နည်း တို့ကို အဓိကထားသင်ကြားသည်။

သိုင်းပညာရပ်တွင်လည်း ရုပ်ပိုင်းဆိုင်ရာထက် ရန်သူ၏ အားသာချက်၊အားနည်းချက် အလေ့အကျင့်တို့ကို သိအောင် သင်ကြားပေးသည်။ ထို့အပြင် ရန်သူအား ဥာဏ်ကိုသုံး၍ တိုက်ခိုက် တတ်အောင် သင်ကြား ရသည်။

အဘယ်ကြောင့် ထိုသို့သင်ရခြင်းဟူမူ … လူသည် ဘယ်လောက်မာမာ ဆင်လောက် မမာနိုင်ပါ။ထိုသို့ ဆင် ကဲ့သို့သော ရန်သူကို ခွန်အားနှင့် အနိုင်ယူ၍ မရပါ ဥာဏ်နှင့်သာ အနိုင်ယူ တိုက်ခိုက်နိုင်သည်။

ပင်းယခေတ်မှစ၍ ပွဲကျောင်းများသည် အရည၀ါသီ ပညာရပ်များကိုသာ သင်ကြားပေးခဲ့သည်။ ဂါမ၀ါသီ ပွဲကျောင်းပညာရပ်များကို သင်ကြားခြင်း မပြုတော့ပါ။

ယနေ့တွင် ဂါမ၀ါသီပွဲကျောင်းမှပညာရပ်များ လုံးဝ ပျောက်ကွယ်သွားပြီဖြစ်သည်။

အဆင့်သတ်မှတ်ပုံ


ပွဲကျောင်းသိုင်းပညာတွင် ခါးပတ်ဖြင့်သတ်မှတ်ခြင်း မရှိပါ၊ အဆင့် ၅ ဆင့်ဖြင့် ခွဲခြားထားသည်။

ပွဲကျောင်းသား တစ်ဦးသည် အခြေခံ ပထမ အဆင့် အနေဖြင့် ၀ိုင်းဝင်၊ ၀ိုင်းထွက် ဖြေရသည်။

၃ ယောက်ဝိုင်း အောင်မှ ၅ ယောက်ဝိုင်းဖြေရသည်။ ထိုအဆင့် အောင်ပါက အခြေခံအဆင့်အောင်မြင်ပြီ ဟု သတ်မှတ်သည်။ခန်းဝင်၊ ခန်းထွက် (လူ ၁၂ ယောက်) အောင်ပါက ဒုတိယ အဆင့် ကျောင်းသား ဟု သတ်မှတ်သည်။

ရွာဝင်၊ ရွာထွက် (လူအယောက် ၅၀ ) အောင်ပါက တတိယအဆင့် ကျောင်းသား ဟု သတ်မှတ် ခံရသည်။

မြို့ ဝင်၊ မြို့ ထွက် (လူအယောက် ၁၀၀)ကိုအောင်မြင် ပါက စတုတ္ထအဆင့် အဖြစ်သတ်မှတ်သည်။

တောဝင်၊ တောထွက် (တောတစ်ခုထဲတွင် အချိန် ၃ လ မှ ၆ လ)နေထိုင်၍ အန္တရာယ်များ အားလုံးကိုကျော်လွှား နိုင်ပါက ပဉ္စမ အဆင့် သတ်မှတ်သည်။

ထိုအဆင့်ကို ရသေ့၊ရဟန်းများသာအောင်မြင်ကြသည်။ လူပဂ္ဂိုလ်ထဲမှအောင်မြင်သူ အလွန် နည်းပါသည်။

Credit_0rg

Leave a Reply