အောင်မြင်သူတို့၏ မနက်ခင်းအကျင့်(၅)သွယ်

၁။ မနက် စောစောထခြင်း

အောင်မြင်သူအများစုဟာ မနက်စောစော ထတက်တဲ့ အလေ့အကျင့် ရှိကြပါတယ်။ လူတော်တော်များများ အိပ်ယာထ ပျင်းတက်ကြပါတယ်။ အောင်မြင်သူ တွေကတော့ အိပ်ယာက ထရတာကို ပိုကြိုက်ကြပါတယ်။ သူတို့ အိပ်ယာက နိုးပြီဆိုတာနဲ့ သူတို့ဖြစ်ချင်တဲ့ အိမ်မက်တွေ ဆက်လက်အကောင်အထည် ဖေါ်နိုင်မှာ မို့်လို့ဖြစ်ပါတယ်။ ဒါပေမယ့် အိပ်တဲ့ အချိန်မှာတော့ ကောင်းကောင်းမွန်မွန် သေသေချာချာ ခန္ဓာကိုယ်အားပြည့်အောင် အိပ်တက်ကြပါတယ်။ ဥပမာ စစ်ဘုရင် နပိုလီယန် ကိုကြည့်ပါ။ စစ်ပွဲတိုင်းမှာ တက်တက်ကြွကြွ နိုးနိုးကြားကြား ရှိသလို၊ အိပ်စက်နားယူချိန်မှာလည်း ကလေးတစ်ယောက်လို နှစ်ချိုက်စွာ အိပ်ပျော်တတ်တဲ့ အကျင့်ရှိပါတယ်။ တခါတလေများ အိပ်တဲ့ တဲနန်းနားမှာ ဗုံးကျတာတောင် သူမသိလိုက်တဲ့ အဖြစ်အပျက်ရှိခဲ့ဘူးပါတယ်။ အိပ်စက် အနားယူချိန် ကို ၇ နာရီနဲ့ ၈ နာရီ ကြားသတ်မှတ်ကြပါတယ်။ ဒါပေမယ့် အရေးကြီးဆုံးက ကိုယ့်ခန္ဓာနဲ့ လိုက်လျောညီထွေရှိတဲ့ အိပ်စက် အနားယူချိန် ကောင်းကောင်း ဖြစ်ဖို့ ပိုလိုအပ်ပါတယ်။ လူ တော်တော်များများ အိပ်ရေး မဝလို့ ဆိုတဲ့ အကြောင်းပြချက်နဲ့ ကြာရှည်စွာ အိပ်စက်ကြပါတယ်။ ကိုယ့်အိပ်စက်ချိန်ဟာ ၈ နာရီအထက် ပိုလိုအပ်နေပြီဆိုရင်တော့ တခုခု မှားယွင်းနေပါပြီ။ ကိုယ့် အိပ်ယာကြောင့်လား၊ ဒါမှမဟုတ် ကိုယ်စားတဲ့ အစားအသောက် ကြောင့်လား၊ ဒါမှမဟုတ် မျက်စိကို ဝန်ပိစေတဲ့ ရုပ်ရှင်တွေ ဖုန်းတွေ အသုံးပြုတာများနေတာ ကြောင့်လား၊ ဒါမှမဟုတ် စိတ်ဖိစီးမှုကြောင့်လား။ အဓိက အရင်းအမြစ် ကိုရှာပါ၊ အိပ်ရေးမဝ လို့ ကြာရှည် ဆက်အိပ်မယ် ဆိုတဲ့ အကြောင်းပြချက်ကို ကြိုးစားဖျောက်ပါ။

၂။ လက်ရှိ ဘဝ အတွက် ကျေးဇူးတင်ခြင်း

အောင်မြင်သူ အများစုဟာ အနာဂတ်မှာ ကောင်းသထက်ကောင်းနိုင်ဖို့ အစဉ်မပြတ် ကြိုးစား အားထုတ်နေသလို ယခုလက်ရှိ ဘဝ အခြေအနေကိုလည်း နေ့စဉ်ကျေးဇူးတင်လေ့ရှိပါတယ်။ လူတော်တော်များများက လက်ရှိ အခြေအနေမကြိုက်လို့ အောင်မြင်ချင်ကြပါတယ်။ သူတို့မှာ လက်ရှိ အလုပ်ကို ဆက်လက် လုပ်ကိုင်နေတာကိုက စိတ်ဆင်းရဲ စရာကြီးပါ။ သူတို့ရဲ့ စိတ်ဆင်းရဲမှုက စိတ်ထဲကနေ အပြင်ပန်း သဏာ မှာပါ ပေါ်ပါတယ်။ ဒီအတွက် သူနဲ့ ဆက်ဆံရတဲ့ လူတွေကိုပါ စိတ်ဆင်းရဲမှု ကူးစေပါတယ်။ လူတစ်ယောက်က သူ့ဘဝ အဆင်မပြေလို့ အမြဲ ညီးညူနေရင် ကြားရမြင်ရတဲ့သူ စိတ်မသက်သာ သလိုပါပဲ။ မိသားစုဝင်တွေလည်းပဲ စိတ်မချမ်းသာနိုင်ပါဘူး။ ဒီအတွက် အောင်မြင်သူ အများစုဟာ သူတို့လိုချင်တဲ့ အောင်မြင်တဲ့ ဘဝကို ရဖို့ ကြိုးစားနေစဉ်အတွင်မှာလည်းပဲ စိတ်ချမ်းသာမှု စိတ်ရဲ့ပျော်ရွှင်မှု ဖြစ်စေမယ့် လက်ရှိဘဝကို ကျေးဇူးတင်တဲ့ နည်းကို သုံးကျပါတယ်။ မနက်စောစောမှာ အောင်မြင်မှုကိုရရှိအောင် ကြိုးစားနေတယ့် ကိုယ့်ဘဝကို ကျေနပ်လိုက်ရင် တနေ့တာလုံး အားရ လန်းဆန်းနေမှာဖြစ်ပါတယ်။ အခက်အခဲ မှန်သမျှကိုလည်း စိတ်ဓာတ်ခိုင်ခိုင်မာမာနဲ့ ကျော်ဖြတ်နိုင်မှာဖြစ်ပါတယ်။ တကယ်လို့ သင်လည်းပဲ အောင်မြင်ဖို့ ကြိုးစားနေသူတစ်ယောက်ဆိုရင် အောင်မြင်မှုကို မဖမ်းဆုပ်နိုင်ခင်မှာ စိတ်ပျက်အားလျှော့မနေပဲ လက်ရှိဘဝကို ကျေးဇူးတင်ပြီး အောင်မြင်တော့မယ့် အနာဂတ်ကိုတွေးကာ နေ့စဉ် စိတ်အားထက်သန်နေဖို့ ကျင့်ပါ။

၃။ ကိုယ်လက် လှုပ်ရှားခြင်း

အောင်မြင်သူအများစု ဟာ ကျန်းမာသူတွေပါ။ ကျန်းမာရေး ဟာ အလွန်အရေးကြီးမှန်း သူတို့သေချာသိပါတယ်။ သူတို့နှစ်ပေါင်းများစွာ ကြိုးစားလုပ်ကိုင်ခဲ့တဲ့ အသီးအပွင့်ကို ရရှိချိန်မှာ သူတို့ကျန်းမာနေပါမှ စိတ်ကူးခဲ့သလို သုံးဆောင်ခံစားနိုင်မှာပါ။ ကိုယ်လိုချင်တဲ့အောင်မြင်မှုကို နောက်ဆုံးရရှိချိန်မှာ ကိုယ့်ရဲ့ ကျန်းမာရေးကတော့ ရှုံးနိမ့်မှုရရှိနေရင်တော့ တကယ့်အောင်မြင်မှု မဟုတ်ပါဘူး။ ကိုယ်အောင်မြင်အောင် လုပ်ရင်းနဲ့ ကိုယ့်ရဲ့ ကျန်းမာရေးကို ပေးဆပ်လိုက်ရမယ်၊ ဒါမှမဟုတ် လစ်လျူရှူ ထားလို့ နှလုံးမကောင်းတာတွေ၊ အရိုးတွေ အကြောတွေ မကောင်းတော့တာတွေ၊ ဆီးချိုသွေးချို ဖြစ်လို့ ကိုယ်သုံးဆောင်ချင်တာကို ပိုက်ဆံရှိရက်နဲ့ မသုံးဆောင်နိုင်တွေ အများအများကြီးဖြစ်နိုင်ပါတယ်။ ကိုယ့်အသက်နဲ့ လဲလိုက်ရတဲ့အောင်မြင်မူမျိုးတော့ မဖြစ်မိပါစေနဲ့။ အောင်မြင်သူတို့မှာ ကိုယ်တိုင်ရေးဆွဲထားတဲ့ ကျန်းမာရေးကောင်းအောင် ဘယ်လိုထိန်းသိမ်းမယ်ဆိုတဲ့ အစီအစဉ်အတိအကျ ရှိပါတယ်။ ကျန်းမာရေးကောင်းအောင် ကိုယ်လက် လှုပ်ရှားမှု ပါအောင် ကစားကြပါတယ်။

ကိုယ်လက် လှုပ်ရှားခြင်းဟာ သွေးလေ လှည့်ပတ်မှုကောင်းပြီး ခန္ဓာကိုယ်ကျန်းမာစေလို့ နေ့စဉ် မနက်စောစော အလုပ်မစခင်မှာ လုပ်လေ့ရှိကြပါတယ်။ ဒါ့အပြင် မနက်စောစောလုပ်တဲ့အတွက် ခန္ဓာကိုယ် လေးလံထိုင်းမှိုင်းမူကိုလည်း ကာကွယ်ပြီးသားဖြစ်ပါတယ်၊ ကိုယ်ပိုင် အချိန်ရလို့ စိတ်ကြည်လင်ပါတယ်၊ မနက်စောစောဖြစ်တဲ့အတွက် နေ့စဉ်လုပ်ဖြစ်ပြီး အလုပ်မှာ အချိန်ပိုလုပ်ရရင်တောင်မှ ကိုယ်လက် လှုပ်ရှားမှု အစီအစဉ် မပျက်တော့ပါဘူး။ သင်လည်းပဲ အစီအစဉ်ချပြီး မနက်စောစော ကိုယ်လက် လှုပ်ရှားမှုစတင်ပါ။ အများကြီးမလုပ်နိုင်ရင်တောင် နည်းနည်းချင်းက စလေ့ကျင့်ပေးပါ။ သင်ကျန်းမာမှ ဖြစ်မယ်ဆိုတာ အမြဲအမှတ်ရပါ။

၎။ တနေ့တာ အစီအစဉ်ကို အတိအကျသိခြင်း

အောင်မြင်သူတွေမှာ တနေ့တာ မစခင် မိမိဘာလုပ်ရမယ်၊ ဘယ်သွားရမယ်၊ ဘယ်သူနဲ့တွေ့ရမယ်၊ ဘယ်အချိန်မှာ နားရမယ်၊စားရမယ် ဆိုတဲ့ အစီအစဉ်ရှိပါတယ်။ ဒီအစီအစဉ်ကို ညဦးမှာ ရေးဆွဲပြီး မနက် အလုပ်မလုပ်ခင်မှာ ပြန်လည်သုံးသပ်ပါတယ်။ ကျောင်းသားတစ်ယောက် စာမေးပွဲဖြေဖို့ ညက စာအကုန်ကြေညက်အောင် ကျက်ထားပြီး မနက်မှာ ပြန်နွှေးသလိုပါပဲ။ အဲ့တော့ အလုပ်လုပ်တဲ့အချိန်မှာ ဘယ်အလုပ်ကို ဘယ်အချိန်မှာ လုပ်ရမယ်ဆိုတာသိပြီး ဆက်တိုက်အစီအစဉ် အတိုင်း လုပ်သွားလိုက်ယုံပါပဲ။ အခက်အခဲ အရမ်းနည်းသွားပါတယ်။ ရှိခဲ့ရင်လည်း တခြား အလုပ်တွေမှာ အစီအစဉ်တိုင်းပြီးခဲ့တော့ အောင်မြင်တဲ့ စိတ်ဓာတ်အရှိန်ရနေတဲ့အတွက် အလွယ်တကူပဲ ဖြေရှင်း ကျော်လွှားနိုင်ပါတယ်။ အလုပ်ကို အောင်နိုင်သူတွေပေါ့ဗျာ။ သင်လည်းပဲ မနက်မှာ တနေ့စာ ကိုယ်ဘာလုပ်ရမယ်ဆိုတာကို အစီအစဉ်ဆွဲပါ၊ ပြန်လည်သုံးသပ်ပါ။ အလုပ်ကို အောင်နိုင်သူဖြစ်ပါစေ။

၅။ အပြုံးနှင့် စတင်ခြင်း

အောင်မြင်သူတွေဟာ အမြဲအပြုံးတပွင့် ဆင်ထားနိုင်ကြပါတယ်။ ပထမ တချက်ကတော့ ဘဝကိုအောင်မြင်အောင် လုပ်နေတဲ့ ကိုယ့်ကိုကိုယ် ကျေနပ်လို့ဖြစ်ပြီး၊ ဒုတိယ တချက်ကတော့ မလိုလားအပ်တဲ့ စိတ်ညစ်ညူးမှုတွေက ပပျောက်အောင်ဖြစ်ပါတယ်။ နေ့တနေ့ရဲ့ မနက်မှာ အပြုံးနဲ့ စတင်တဲ့အတွက် တွေ့ရတဲ့လူတွေကလည်း ချစ်ခင်ကြပါတယ်။ ဘယ်သူမဆို ပြုံးထားရင် အင်မတန် ချစ်ခင်ဖွယ်ကောင်းပါတယ်။ ချစ်ခင်ဖို့ ကောင်းနေတဲ့လူကို စိတ်ညစ်အောင်လုပ်ဖို့ ဘယ်သူမှ မကြံစည်ပါဘူး။ တချက်ပြုံးရင် တရက်အသက်ပိုရှည်ဆိုသလို သင်ပြုံးတိုင်း သင့်ရဲ့ ခန္ဓာကိုယ်က ကျေးဇူးတင်နေမှာပါ။ (ပြန်တောင် ပြုံးပြနေမှာပါ)။ သင်လည်း မနက်စောစောကို အပြုံးနုနဲ့ စတင်လိုက်ပါ။ ဘယ်သူတွေဘာတွေပြောပြော အပြုံးနဲ့ နေနိုင်တာကိုက စိတ်ချမ်းသာစရာ နောက်တစ်မျိုးပါ။

အားလုံး ချုံပြောရရင်တော့ သင်လည်း အောင်မြင်ချင်သူ တစ်ယောက်ဖြစ်ချင်ရင် အောင်မြင်သူတွေရဲ့ အကျင့်ကို ကျင့်ဖို့လိုအပ်ပါတယ်။ အထက်မှာ ပြောခဲ့သလို ၁။ မနက်စောစောထခြင်း ၂။ လက်ရှိဘဝအတွက် ကျေးဇူးတင်ခြင်း ၃။ ကိုယ်လက်လှုပ်ရှားခြင်း ၄။ တနေ့တာ အစီအစဉ်ကို အတိအကျသိခြင်း ၅။ အပြုံးနဲ့စတင်ခြင်း ဖြင့် အောင်မြင်တဲ့ လမ်းကြောင်းပေါ် အမြန်ဆုံး နင်းမိပြီး အောင်မြင်နိုင်ပါစေလို့။။

(စာဖတ်ခြင်းက သင့်ကို ဗဟုသုတ တိုးတက်စေသလို၊ တကယ် လိုက်နာကျင့်သုံးခြင်းဟာလည်း သင်လိုချင်တဲ့ အိမ်မက်ကို အကောင်အထည်ဖေါ်နိုင်ပါတယ်။ စာဖတ်ခြင်းနဲ့ မရပ်တံ့ပါနဲ့လို့ အကြံပေးရင်း)

ကိုသူရ
(Saving The Minds)
Founder of SuccessUpsize.com

Leave a Reply