အသစ်ထုတ်ဝေလိုက်သည့် ထိုင်းဘတ်ငွေ တစ်ထောင်တန်အသစ် လုံခြုံမှုအမြင့်ဆုံးငွေစက္ကူအဖြစ် ဆုချီးမြှင့်ခံရ

ထိုင်းနိုင်ငံက အသစ်ထုတ်ဝေလိုက်သည့် ဘတ်တစ်ထောင်တန်၏ ဒီဇိုင်းနှင့် အတုပြုလုပ်ရန်ခက်ခဲသည့် လုံခြုံရေးစနစ်တို့ကြောင့် ဒေသတွင်း လုံခြုံမှုအမြင့်ဆုံးငွေစက္ကူအဖြစ် ဆုရွေးချယ်ချီးမြှင့်ခံရကြောင်း ဘန်ကောက်ပို့စ်သတင်း၏ ဖေါ်ပြချက်အရ သိရသည်။

ထိုင်းဘတ်ငွေ တစ်ထောင်တန်အသစ် လုံခြုံမှုအမြင့်ဆုံးငွေစက္ကူအဖြစ် ဆုချီးမြှင့်ခံရ

ဗီယက်နမ်နိုင်ငံ၊ ဟနွိုင်းမြို့၌ သုံးရက်တာကျင်းပခဲ့သည့် အာရှ၏ အဆင့်မြင့်လုံခြုံရေးပုံနှိပ်ဖိုရမ် ၂၀၁၈ က ၂၀၁၈ ခုနှစ် နိုဝင်ဘာလ (၇)ရက်နေ့တွင် ကြေညာလိုက်ခြင်းဖြစ်ကြောင်း သိရသည်။

အဆိုပါ ထိုင်းဘတ်ငွေ တစ်ထောင်တန်မှာ လက်ရှိဘုရင်၏ (၆၆)နှစ်မြောက်မွေးနေ့အထိမ်းအမှတ်အဖြစ် ဘတ် (၅၀၀)တန်နှင့်အတူ အသစ် ထုတ်ဝေထားခြင်းဖြစ်ပြီး ဘတ်တစ်ထောင်တန်မှာ လုံခြုံမှုစနစ် အကောင်းဆုံးနှင့် တီထွင်ဆန်းသစ်မှု အမြင့်ဆုံးအဖြစ် အသိအမှတ်ပြုခံရခြင်းဖြစ်ကြောင်း သိရသည်။

ထိုင်းနိုင်ငံ၏ ငွေစက္ကူများ အတုပြုလုပ်ရန် ခက်ခဲစေသည့် လုံခြုံရေးအဆင့်မြင့်မားမှုနှင့် ပတ်သက်၍ ဆုချီးမြှင့်ခံရမှုမှာ ဒုတိယအကြိမ်ဖြစ်လာပြီး ပထမဆုံးအဖြစ် ဘုရင်ဘူမိဘောအဒူလျာဒက်လက်ထက် ၂၀၁၅ ခုနှစ် စက်တင်ဘာလက ရိုက်နှိပ်ထုတ်ဝေလိုက်သည့် ဘတ်တစ်ထောင်တန်မှာ လုံခြုံမှု စနစ်အမြင့်ဆုံး ငွေစက္ကူအဖြစ် ဆုချီးမြှင့်ခံခဲ့ရခြင်းဖြစ်သည်။

Tachileik News Agency
Ref; BangKokPost

Leave a Reply