Thu. Jun 27th, 2019

၉ တန်းအောင်ရုံမျှဖြင့် ထိုင်းနိုင်ငံတွင် သူနာပြုအကူ လုပ်ကိုင်နိုင်မည့်အခွင့်အရေး မကြာမီရရှိတော့မည်

1 min read

သူနာပြုလုပ်ငန်းကို စိတ်ဝင်စားပြီး အသက် ၁၈ နှစ်မှ ၂၉ နှစ်အကြား အခြေခံပညာ ၉ တန်းအောင် မြန်မာ အမျိုးသမီးများအနေဖြင့် ထိုင်းနိုင်ငံတွင် သူနာပြုအကူအလုပ်အကိုင်ရရှိနိုင်မည့် အခွင့်အရေးတခုအတွက် စီစဉ်လျက်ရှိကြောင်း၊ မကြာမီ လူခေါ်မှုစတင်တော့မည်ဖြစ်ကြောင်း ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်းမှ Development Director ကိုကြည်မင်းဟန်က ပြောသည်။

ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်း (Foundation for Education and Development – FED) မှ တာဝန်ရှိသူများနှင့် ထိုင်းနိုင်ငံ၊ ဘန်ကောက်မြို့ ဖလန်(၄)အရပ်တွင်ရှိသည့် Kluaynamthai သင်တန်းကျောင်းမှ တာဝန်ရှိသူများ တွေ့ဆုံဆွေးနွေးလျက်ရှိပြီး ရွေးချယ်ခံရသူများအတွက် လုပ်ငန်းအကြိုသင်တန်းပို့ချသွားမည်ဖြစ်ကြောင်း၊ သင်တန်းကုန်ကျစရိတ် ထိုင်းဘတ်တသိန်းခွဲကို သင်တန်းကျောင်းမှ အလုံးစုံကုန်ကျခံမည်ဖြစ်ကြောင်း
သိရသည်။

”ကျွန်တော်တို့က အလုပ်အကိုင် အခွင့်အလမ်းအတွက်လည်းပါတယ်။ မြန်မာနိုင်ငံကရော ထိုင်းကရောပါဝင်မှာပါ။ သင်တန်းကုန်ကျစရိတ်ကို သင်တန်းကျောင်းကအကုန်ခံရမယ်။ ဒါပေမဲ့ အလုပ်စတင်ဝင်တော့မယ်ဆိုရင်တော့ ၃ နှစ် တာဝန်ထမ်းဆောင်ရမယ်။ ၃ နှစ်မပြည့်ခင် အလုပ်ထွက်သွားတယ်ဆိုရင်တော့ သင်တန်းကုန်ကျစရိတ် ၂ ဆ လျော်ရမယ်”ဟု ၎င်းက ပြောသည်။

ထို့အပြင် အကြောင်းအမျိုးမျိုးကြောင့် (ကျန်းမာရေး၊ နာရေးမှလွဲ၍) သင်တန်းပြီးဆုံးသည်အထိ တက်ရောက်ရန်ပျက်ကွက်ပါက သင်တန်းကုန်ကျစရိတ် ၂ ဆ အား သင်တန်းတက်ရောက်သူမှ ပေးလျော်ရမည်ဖြစ်ကြောင်း၊ လုပ်ငန်းခွင်ဝင်ရောက်သည့် သင်တန်းသူများအနေဖြင့် ၃ နှစ်မပြည့်မီ အလုပ်မှ

နုတ်ထွက်လိုပါက သင်တန်းကုန်ကျစရိတ် ၂ ဆအား ပြန်လည်ပေးလျော်သွားရမည်ဖြစ်ကြောင်း အဆိုပါ အစီအစဉ်နှင့်ပတ်သက်၍ ပညာရေးနှင့်ဖွံ့ဖြိုးတိုးတက်ရေးဖောင်ဒေးရှင်းက ကြေညာထားခြင်းဖြစ်သည်။

”သင်တန်းတက်ပြီး အလုပ်အကိုင်အတွက်လည်း ပူစရာမလိုပါဘူး။ အနည်းဆုံးတယောက်ကို ထိုင်းဘတ် တသောင်းနှစ်ထောင် (ကျပ်လေးသိန်းရှစ်သောင်း) လောက်ရမယ်”ဟု ၎င်းက ပြောသည်။

သင်တန်းကာလမှာ စုစုပေါင်း ၉ လဖြစ်ပြီး ထိုင်းစကားနှင့် ထိုင်းစာအတွက် ၁ လ မွမ်းမံသင်တန်း ပေးအပ်သွားမည်ဖြစ်ကြောင်း၊ သင်တန်းပြီးဆုံးပြီး အလုပ်သင်ဝန်ထမ်းအဖြစ် ၃ လ တာဝန်ထမ်း ဆောင်ရမည်ဖြစ်ကာ မိမိ၏ကြိုးစားမှုအလျောက် လစာတိုးမည်ဖြစ်ကြောင်း၊ တရားဝင်အလုပ်လုပ်ကိုင်ခွင့် (Work Permit) အတွက် သင်တန်းမှ တာဝန်ယူဆောင်ရွက်ပေးမည်ဖြစ်ကြောင်း သိရသည်။

ဝင်းဇော်နိုင် – News Watch

Leave a Reply

This site uses Akismet to reduce spam. Learn how your comment data is processed.

Copyright © All rights reserved. Newsphere by AF themes.