အီရတ်မှာ ကျဆုံးခဲ့ မြန်မာနိုင်ငံသား အမေရိကန်တပ်သား ဝေဖြိုးလွင်

အရင်ရေးဖူးပြီးသားပါ။ ၂၀၀၅ ခုနှစ် မတ်လ၂ ရက်နေ့က အီရတ်စစ်ပွဲမှာ ကျဆုံးခဲ့တဲ့ မြန်မာနွယ်ဖွား အမေရိကန်ကြည်းတပ်က ရိုးရိုးတပ်သားဝေဖြိုးလွင်ပါ။

အဲဒီနေ့က သူတို့စီးလာတဲ့ ဟမ်းဗီးယာဉ်မိုင်းထိပြီး ကျဆုံးခဲ့တာပါ။ သူနဲ့အတူကျဆုံးခဲ့တဲ့သူက မွတ်ဆလင်ဘာသာဝင် အဇာအလီဆိုတဲ့ တပ်သားပါ။ သူတို့ဟမ်းဗီးယာဉ်ဟာ လေဆိပ်နဲ့ Green Zone ကြားထဲမှာ အတိုက်ခံလိုက်ရတာပါ။ နှစ်ယောက်စလုံး အသက် ၂၇ နှစ်ရှိပြီး အိမ်ထောင်မရှိသူများဖြစ်ပါတယ်။

အွန်လိုင်းပေါ်မှာသိပ်မတွေ့ရပေမဲ့ လွန်ခဲ့တဲ့ ၇ နှစ်လောက်က ဖတ်ခဲ့ဖူးတဲ့Trader Hotel ကထုတ်တဲ့ မဂ္ဂဇင်းတစ်စောင်မှာတော့ ဂစ်တာနိုင်ဇော်ကဝေဖြိုးလွင်အမေနဲ့တွေ့ဆုံမေးမြန်းပြီး ဆောင်းပါးပြန်ရေးခဲ့တာရှိပါတယ်။

ရိုးရိုးတပ်သားလေးများသာဖြစ်တဲ့ သူတို့အလောင်းတွေကို အမေရိကန်အထိပြန်သယ်လာပြီး တိုက်လေယာဉ်တွေ၊ ရဟတ်ယာဉ်တွေပါတဲ့ ဂုဏ်ပြုတပ်ဖွဲ့န့ ဗိုလ်ချုပ်ကြီးတွေကိုယ်တိုင် အလေးပြုပါတယ်။

ကိုဝေဖြိုးလွင်အိမ်မှာ အသုဘအခမ်းအနားကျင်းပတဲ့အချိန်ကနေစပြီး ၂လပြည့်တဲ့အထိ လိုအပ်တဲ့အကူအညီပေးနိုင်အောင်ဆိုပြီး အမေရိကန်တပ်မတော်က အရာရှိနှစ်ယောက်ဟာ ဘဏ်အစောင့်တွေလို အိမ်တံခါးပေါက်မှာ လာစောင့်ပေးပါသတဲ့။ နေ့စဉ် အလှည့်ကျပေါ့။ နှစ်ယောက်ပြီးရင် နောက်ထပ် တခြားနှစ်ယောက်ပေါ့။ ကိုဝေဖြိုးလွင်မိခင် ဒေါ်မေသီခကအားနာလွန်းလို့ ပြန်ပါတော့ ရပါပြီဆိုတာတောင် အားမနာပါနဲ့ ဒါ ကျွန်တော်တို့ လုပ်ကိုလုပ်ရမယ့်တာဝန်လို့ ပြောပါသတဲ့။


ကျွန်တော်တော့ စဖတ်ခါစက အတော်လေးအံ့အားသင့်သွားမိပါတယ်။အော် … ဒါ့ကြောင့်လည်း အမေရိကန်လူငယ်တွေ စစ်ထဲဝင်ကြတာကိုးလို့ သဘောပေါက်လိုက်မိပါတယ်။ ဝေဖြိုးလွင်ဆိုတာ သာမန်တပ်သားလေးတစ်ယောက်ပါခင်ဗျား …… ။

စစ်အကြောင်း မရေးရရင် မနေနိုင်လို့ရေးလိုက်တာပါ။ မြန်မာပြည်ကအကြောင်း မဟုတ်ဘူးနော်။ သူများနိုင်ငံအကြောင်းပါ။ ဘယ့်နှယ် ကြံကြံဖန်ဖန် ရဲဘော်သေတာ အရာရှိနှစ်ယောက်က နှစ်လလောက် အသုဘအိမ်လာစောင့်ပေးရတယ်လို့၊ ကြားကြားဖူးပေါင် …. ။ ။

Source –Ye Kyaw Thura

Leave a Reply

This site uses Akismet to reduce spam. Learn how your comment data is processed.