ပင်လယ်ပြင်ထဲမှာ ၄၃၈ ရက်ကြာ လွင့်မြောပြီး အသက်ရှင်သန်ခဲ့သူ

Salvador Alvarenga ဆိုတဲ့ ငါးဖမ်းသမားဟာ လှေဆိုရင် နားနေစရာ အခန်းမပါ၊ အမိုးအကာမပါတဲ့ လှေမျိုးကို ကြိုက်နှစ်သက်တဲ့ သူတစ်ဦးလို့ ပြောလို့ရပါတယ်။ ဒါကြောင့်မို့လို့ သူ့ရဲ့ ငါးဖမ်းလှေကိုလည်း ပင်လယ်လှိုင်းတွေရဲ့ စေလိုရာကို မြောလွင့်နိုင်မယ့် ကြီးမားတဲ့ ရေလှိုင်းစီး ဘုတ်ပြား အသွင်သဏ္ဍန် ဖန်တီးထားပါတယ်။ ဒါပေမယ့် ရေလှိုင်းစီး ဘုတ်ပြားတွေနဲ့ မတူတဲ့ အချက်ကတော့ သူရဲ့ ငါးဖမ်းလှေမှာ အင်ဂျင် တစ်လုံး ပါဝင်နေတာပါပဲ။

Alvarenga ဟာ မက္ကစီကို နိုင်ငံသား အသက် ၃၇ နှစ် အရွယ်ရှိ ငါးဖမ်းသမားတစ်ဦး ဖြစ်တယ်။ သူဟာ အရက်ကို အလွန်အကျွံသောက်တယ်။ အိမ်ထောင်ကွဲ ယောကျာ်းတစ်ဦးဖြစ်တယ်။ ဘဝကို ဖြစ်သလို ဖြတ်သန်းနေတဲ့ ပုဂ္ဂိုလ်တစ်ဦးလို့ ပြောလို့ ရပါတယ်။ တစ်နေ့မှာတော့ Alvarenga အတွက် ကံဆိုးမိုးမှောင်မှုတွေ စတင်ကျရောက်လို့ လာခဲ့ပါတယ်။

Alvarenga အနေနဲ့ နိုဝင်ဘာ ၁၈ ရက် ၂၀၁၂ မှာ ပင်လယ်ပြင်ထဲကို ထွက်ပြီး ငါးဖမ်းဖို့အတွက် သူ့ရဲ့ လုပ်ဖော်ကိုင်ဖက် Ezequiel Cordoba နဲ့ အတူ အစီအစဉ်ဆွဲထားပါတယ်။ သူ့ရဲ့ ငါးဖမ်းစက်လှေလေးပေါ်ကို ငါးဖမ်းပိုက်ကွန်တွေ၊ ဖမ်းဆီးရမိတဲ့ ငါးတွေကို သိုလှောင်ဖို့အတွက် ငါးကန်တွေ တင်ဆောင်ပြီးတဲ့ အချိန်မှာတော့ ပင်လယ်ပြင်ထဲကို စတင်ထွက်ခွာလာခဲ့ပါတယ်။

ပင်လယ်ပြင်ထဲကို မထွက်ခွာခင်မှာ Alvarenga ရဲ့ သူငယ်ချင်းတွေက မုန်တိုင်းရှိတဲ့ အကြောင်းကြိုတင် သတိပေးခဲ့ကြပါသေးတယ်။ ဒါပေမယ့် ဘာကိုမှဂရုမစိုက်တတ်တဲ့ Alvaregna တစ်ယောက် ကို ဘယ်သူမှ တားဆီးနိုင်ခဲ့ခြင်း မရှိပါဘူး။

ကမ်းခြေကနေ ထွက်ခွာပြီး ရေမိုင် ၇၅မိုင် အကွာမှာ Alvarenga အနေနဲ့ နှစ်မိုင်နီးပါး ရှည်လျားတဲ့ သူ့ရဲ့ ငါးဖမ်းပိုက်ကွန်တွေကို ပင်လယ်ပြင်ထဲကို ဖြန့်ကျက်လို့ ထားခဲ့ပါတယ်။ အဲ့အချိန်မှာ Alvarenga စတင် ထွက်ရှိခဲ့တဲ့ ကမ်းခြေမှာ မုန်တိုင်းကြမ်း တစ်ခု စတင် တိုက်ခိုက်နေခဲ့ပြီ ဖြစ်ပါတယ်။ ဒါပေမယ့် ကမ်းခြေနဲ့ အလှမ်းဝေးနေတဲ့ Alvarenga နဲ့ Cordoba တို့ကတော့ မုန်တိုင်း တိုက်လို့တိုက်နေမှန်း မသိရှိခဲ့ကြပါဘူး။

ဒါပေမယ့် နာရီအနည်းငယ်အကြာမှာတော့ ပင်လယ်ပြင်ထဲကို မုန်တိုင်း စတင် တိုက်ခိုက်လာတာနဲ့အမျှ ငါးဖမ်းသမား နှစ်ဦးလည်း မုန်တိုင်းဒဏ်ကို စတင် ခံစားလာရပြီဖြစ်ပါတယ်။ ပင်လယ်ရေလှိုင်းတွေ ငါးဖမ်းလှေငယ်လေးကို ရိုက်ခတ်လာတယ်၊ ရေတွေ လှေထဲကို ဝင်လာတယ်၊ စတဲ့ မုန်တိုင်းဒဏ်တွေကို ကြောက်ရွံ့တာကြောင့် Cordoba အနေနဲ့ ကမ်းခြေကို ပြန်လှည့်ဖို့ Alvarenga ကို ဖြောင်းဖြခဲ့ပါတယ်။

ဒါပေမယ့် ဒေါ်လာထောင်ပေါင်းများစွာ တန်ဖိုးရှိတဲ့ ငါးဖမ်းပိုက်ကွန်တွေကို ပင်လယ်ထဲကို ဖြတ်ချပစ်ပြီး ကမ်းခြေကို ပြန်ပြေးဖို့အတွက် Alvarenga တစ်ယောက် တွေဝေလို့ နေခဲ့ပါတယ်။ မုန်တိုင်း အရှိန် ကျဆင်းသွားမယ့် အချိန်ကို မျှော်လင့်တကြီး စောင့်စားနေခဲ့ပေမယ့် တဖြည်းဖြည်းနဲ့ မုန်တိုင်း တိုက်ခိုက်မှုနှုန်း က ပိုမို ပြင်းထန်လို့ လာခဲ့ပါတယ်။

ဒီအချိန်မှာတော့ Alvarenga တစ်ယောက် အသက်ထက်ပိုပြီး ပစ္စည်းတွေကို တွယ်တာမနေနိုင်တော့ပါဘူး။ ပိုက်ကွန်ထဲကို ပင်လယ်ထဲ ဖြတ်ပစ်ပြီး သူတို့ ထွက်ခွာခဲ့တဲ့ ဆိပ်ကမ်းကို ဦးတည်ပြီး စက်လှေကို အလျင်အမြန် စတင်ခုတ်မောင်းခဲ့ပါတယ်။ ဒါ့အပြင် သူ့ရဲ့ သူဌေး Willie ဆီကိုလည်း သူတို့နှစ်ယောက် ကြုံတွေ့နေရတဲ့ လက်ရှိ အခြေအနေကို လှမ်းအကြောင်းကြားခဲ့ပါတယ်။

ကံဆိုးမသွားရာ မိုးလိုက်လို့ရွာဆိုတဲ့ အတိုင်း ကမ်းခြေကို ပြန်ရောက်ဖို့ ၁၅မိုင် အလိုမှာ စက်လှေ အင်ဂျင် ပျက်သွားခဲ့ပါတယ်။ Alvarenga အနေနဲ့ အင်ဂျင်ကို ကြိုးစားပမ်းစား အကြိမ်ကြိမ် ပြင်ဆင်ခဲ့ပေမယ့် အောင်မြင်ခဲ့ခြင်း မရှိခဲ့ပါဘူး။ အဲ့ဒီအချိန်အတွင်းမှာပဲ မုန်တိုင်းရဲ့ ခေါ်ဆောင်ရာအတိုင်း Alvarenga တို့ ရဲ့ စက်လှေလေးဟာ ပင်လယ်ထဲကို တဖြည်းဖြည်း ပြန်လည် လွင့်ပါလို့ သွားခဲ့ပါတယ်။

ဒါကြောင့်မို့လို့ Alvarenga အနေနဲ့ သူ့ရဲ့ ဘော့စ် Willie ကို အမြန်လာကယ်ဖို့ ရေဒီယိုကနေတစ်ဆင့် အကြောင်းကြားနေတဲ့ အချိန်ခဲ့ပါတယ်။ ကံဆိုးစွာနဲ့ပဲ ရေဒီယို ဆက်သွယ်မှု ပြတ်တောက်လို့ သွားခဲ့ပါတယ်။ မုန်တိုင်း တိုက်ခိုက်မှု အပြီး ငါးရက်အကြာမှာ Alvarenga နဲ့ Cordoba တို့ နှစ်ယောက် ကမ်းခြေနဲ့ ၂၈၀ မိုင် အကွာကို ရောက်ရှိလို့ သွားခဲ့ပါတယ်။

အခုအချိန်မှာ သူတို့ နှစ်ယောက်ကို ကယ်တင်နိုင်တာဆိုလို့ အခြားသင်္ဘောတစ်ခုက တွေ့ရှိပြီး ကယ်ဆယ်မှသာ ပင်လယ်ထဲက လွတ်မြောက်နိုင်တော့မှာ ဖြစ်ပါတယ်။ ဒါပေမယ့်လည်း သူတို့ရဲ့ စက်လှေလေးဟာ ကမ်းခြေနဲ့ မိုင် ၂၈၀ ကွာ ပင်လယ်ရေနက်ပိုင်းကို ရောက်ရှိနေတာကြောင့် ကယ်ဆယ်ရေး သင်္ဘောတွေ အနေနဲ့ သူတို့ စက်လှေနဲ့ မိုင်ဝက်အကွာကို ရောက်ရှိခဲ့မှသာ စက်လှေကို မြင်တွေ့နိုင်မှာ ဖြစ်တာကြောင့် မျှော်လင့်ချက် မရှိသလောက်ကို နည်းပါးနေပြီ ဖြစ်ပါတယ်။

“ငါတို့တော့ သေတာ့မှာပဲကွာ” လို့ Cordoba တစ်ယောက် ညည်းတွားပြီး စိတ်ဓါတ်ကျနေတာကြောင့်

“အဲ့လို့ မတွေးစမ်းပါနဲ့ကွာ၊ ကယ်ဆယ်ရေး တပ်သားတွေက ငါတို့ကို လာကယ်မှာပါကွ” လို့ Cordoba ကို Alvarenga က မကြာခဏ နှစ်သိမ့်ပေးနေရပါတယ်။

“အမှန်တော့ ကျွန်တော်တို့ကို ဘယ်သူမှာ လာကယ်နိုင်မှာ မဟုတ်မှန်း ကျွန်တော်သိပါတယ်။ ကျွန်တော့်မှာ ကယ်ဆယ်ရေး အချက်ပြဖို့အတွက် သေနတ်လည်း ပါမလာဘူးလေ။ ပြီးတော့ ကျွန်တော်တို့ ရောက်နေတဲ့ နေရာက ဘယ် ငါးဖမ်းသမားမှ သွားတက်တဲ့ နေရာမျိုးမှ မဟုတ်တာ” လို့ Alvarenga က ပင်လယ်ထဲမှာ လွင့်မြောပြီး ၄၃၈ အကြာ ကမ်းခြေကို ပြန်ရောက်တဲ့ အချိန်မှာ သတင်းထောက်တွေကို ပြန်လည် ရှင်းပြခဲ့ပါတယ်။

ပင်လယ်ပြင်ရဲ့ ရာသီဥတ ဟာ နေ့လည်ပိုင်းမှာ အလွန်ပူပြင်းတာကြောင့် အရှင်လတ်လတ် မီးကင်ခံနေရသလို ခံစားရပြီး ညပိုင်းတွေမှာလည်း အလွန်အေးတာကြောင့် ငါးတွေဖမ်းမိရင် သိမ်းဆည်းဖို့ ယူဆောင်လာခဲ့တဲ့ ပုံတွေထဲမှာ နှစ်ယောက်သား ဖက်ပြီး အနွေးဓါတ်ရရှိအောင် နေခဲ့ရတယ်လို့ Alvarenga က ပြန်လည် ပြောပြခဲ့ပါတယ်။

“ရာသီဥတု ဒဏ်အပြင် ရေဆာတဲ့ဒဏ်၊ ဗိုက်ဆာတဲ့ဒဏ်တွေ ကိုလည်း ခံစားခဲ့ရသေးတယ်ဗျ။ ကျွန်တော်ဆို ဗိုက်ဆာလွန်းလို့ လက်သည်းတွေကိုတောင် ဝါးစားနေခဲ့မိတယ်” လို့ Alvarenga က ပြောပြခဲ့ပါတယ်။

ပင်လယ်ပြင်ထဲမှာ မိုးရွာတဲ့ အခါတွေမှာ ဒုက္ခသည်နှစ်ဦးဖြစ်တဲ့ Alvarenga နဲ့ Cordoba တို့ အနေနဲ့ ရေကို ဝဝလင်လင် သောက်သုံးနိုင်ခဲ့ပြီး ပင်လယ်ထဲကနေ တွေ့ရှိခဲ့တဲ့ ၁ ဂါလံဆန့် ပလတ်စတစ် ပုံးလေးတွေထဲကို ရေတွေ ထည့်သွင်း သိမ်းဆည်းပြီး နောင်လာမယ့် နေ့ရက်တွေ အတွက် ကြိုတင် ပြင်ဆင်ထားရပါတယ်။

ပင်လယ်ပြင်ထဲမှာ လွင့်မြောနေခဲ့တာ ၁၁ ရက် အကြာမှာတော့ Alvarenga တစ်ယောက် စက်လှေနားက ကူးခတ်နေတဲ့ ငါးလေးတွေ အပြင် လိပ်တွေကိုပါ အရှင်လတ်လတ် ဖမ်းဆီး စားသောက်နိုင်နေပြီ ဖြစ်ပါတယ်။ Alvarenga တစ်ယောက် လိပ်တွေ ငါးတွေကို ဖမ်းတဲ့ အလုပ်အပြင် လုပ်ဖေါ်ကိုင်ဖက် Cordoba ကိုလည်း အာဟာရ ပြည့်ဝဖို့အတွက် လိပ်တွေ ငါးတွေကို စားသင့်ကြောင်း၊ ရွံရှာနေလို့ အကျိုးမရှိကြောင်း အားပေးစကား ပြောရတဲ့ အလုပ်တစ်ခုကိုပါ လုပ်ဆောင်နေရပါတယ်။

ပင်လယ်ထဲမှာ လွင့်မြောနေခဲ့တာ လအနည်းငယ် အကြာမှာ Alvarenga တစ်ယောက် တစ်နေ့တာ လုပ်ငန်းဆောင်တာတွေကို သူ သတ်မှတ်ထားတဲ့ အချိန်ဇယားအတိုင်း တိတိကျကျ ဆောင်ရွက်နိုင်နေခဲ့ပြီ ဖြစ်ပါတယ်။

“မနက်ငါးနာရီဆိုတာနဲ့ ကျွန်တော် ငါးကန်ထဲကနေ ထတယ်။ ပြီးရင် ကုန်းပတ်ပေါ်မှာ နေမင်းကြီး မြင့်တက်လာတာကို ထိုင်ကြည့်တယ်၊ အဲ့ဒီ နေမင်းကြီးကို ထိုင်ကြည့်ရတာ ကျွန်တော် ပျော်တယ်ဗျ။”

အဲ့လို နေထွက်လာတာကို ကြည့်ပြီးရင် သူထောင်ထားတဲ့ ပိုက်ကွန်တွေမှာ ငါးမိမမိကို စစ်ဆေးတယ် ပြီးရင် Cordoba နိုးလာတာနဲ့ ဖမ်းမိထားတဲ့ ငါးတွေကို အညီအမျှခွဲပြီး အားရပါးရစားသောက်ကျတယ်။ ပြီးရင် တစ်ရေးတစ်မော အိပ်တယ်။ ပြီးရင် ငါးကန်ထဲမှာ ပြန်ဝင်ထိုင်တယ်။ ဒီလိုနဲ့ပဲ သူ့ရဲ့ တစ်နေ့တာကို ပျော်ပျော်ရွှင်ရွင် လည်ပတ်စေခဲ့ပါတယ်။

Alvarenga နဲ Cordoba တို့ဟာ ငါးဖမ်း ခရီးစဉ် စတင်ထွက်ရှိခဲ့တုန်းက အရမ်းရင်းနှီးကျတဲ့ သူငယ်ချင်းကောင်း တွေ မဟုတ်ကြသေးပါဘူး။ ဒါပေမယ့် ပင်လယ်ပြင်ထဲမှာ လပေါင်းများစွာ အတူတကွ နေပြီးတဲ့ အချိန်မှာ ခွဲလို့မရတဲ့ သူငယ်ချင်းကောင်းတွေ ဖြစ်လို့ သွားခဲ့ပြီ ဖြစ်ပါတယ်။

ညနေပိုင်းတွေကို ခရစ်စမတ်အကြို ညနေခင်းတွေလို့ သဘောထားပြီး ဖမ်းဆီးရမိထားတဲ့ ငါးတွေ လိပ်တွေကို ခရစ်စမတ်အကြို ညစာစားပွဲ အဖြစ် သူတို့ နှစ်ယောက် မြိန်ရေယှက်ရေနဲ့ စားသောက်ကြတယ်။ ညပိုင်းတွေ ဆိုရင် သူတို့နှစ်ယောက် ကုန်းပတ်ပေါ်မှာ လှဲအိပ်ပြီး ကောင်းကင်ပေါ်က ကြယ်တွေကို ရေတွက်ကျတယ်။ ကောင်းကင်ပေါ်မှာ လေယာဉ်ပျံတွေ ဖြတ်သန်းသွားတာကို မြင်ရင် သူတို့ကို လာကယ်တာလို့ တွေးပြီး ပျော်ရွှင်စွာနဲ့ အော်ဟစ်ကခုန်ကြတယ်။

“တစ်ခါတစ်လေကျရင် Cordoba က သူ့အကြိုက်ဆုံး သီချင်းတွေကို ငါးကန်ထဲကနေ အော်ဆိုတတ်တယ်ဗျ။ ကျွန်တော်လည်း သူ သီချင်းဆိုတာကို နားထောင်ရတာ သဘောကျပါတယ်” လို့ Alvarenga က ပြန်လည် ပြောပြခဲ့ပါတယ်။

ပင်လယ်ထဲမှာ နေရတာကြာမြင့်လာတာနဲ့အမျှ Alvarenga တို့အတွက် စားစရာတွေလည်း ပိုမို များပြားလာခဲ့ပါတယ်။ Alvarenga အနေနဲ့ အခုဆိုရင် ကုန်းပတ်ပေါ်လာနားတဲ့ ပင်လယ်ပျော်ငှက်တွေ ကို အလွယ်တကူ ဖမ်းဆီး စားသောက်နိုင်ခဲ့ပြီ ဖြစ်ပါတယ်။

ကံမကောင်းခြင်းတွေနဲ့ ဝေးကွားနေတဲ့ ပင်လယ်ထဲက သူငယ်ချင်းကောင်း နှစ်ယောက်ဆီကို ပင်လယ်ပျော် ငှက်တွေနဲ့ အတူ တစ်နေ့မှာ ကံဆိုးမှုတွေ ပြန်လည် ဝင်ရောက်လို့ လာခဲ့ပါတယ်။ Cordoba စားလိုက်တဲ့ ငှက်လေးရဲ့ ဗိုက်ထဲမှာ အဆိပ်ပြင်းတဲ့ မြွေတစ်ကောင်ရှိနေခဲ့ပါတယ်။ အဲ့ဒီမြွေပါတဲ့ ငှက်ကို စားလိုက်မိတဲ့ Cordoba တစ်ယောက် ရက်ပေါင်းများစွာ အပြင်းအထန် ဖျားနာမှုတွေနဲ့ ရင်ဆိုင်ခဲ့ရပါတယ်။

ကံကောင်းစွာနဲ့ပဲ Cordoba တစ်ယောက် ပြန်လည်သက်သာခဲ့ပေမယ့် စိတ်ပိုင်းဆိုင်ရာ ဒဏ်ရာတစ်ခုတော့ Cordoba ရင်ထဲမှာ စွဲကပ်လို့ နေခဲ့ပြီ ဖြစ်ပါတယ်။ အဲ့ဒါကဘာလည်းဆိုတော့ ပင်လယ်ပျော်ငှက်တွေကို ထပ်မံ စားသောက်ရမှာ အလွန်အမင်း ကြောက်ရွံ့သွားခဲ့တာပါပဲ။

အပြင်းဖျားရာကနေ သက်သာပြီး နှစ်လအကြာမှာ Cordoba တစ်ယောက် အာဟာရ ပြတ်တောက်မှုဒဏ်တွေကို စတင်ခံစားလာခဲ့ရပါပြီ။ သူရဲ့ လက်မောင်းတွေ၊ ပေါင်တွေဟာဆိုရင် တုတ်ချောင်းတစ်ချောင်း အရွယ်အစားသာ ရှိပါတော့တယ်။ ဒါ့အပြင် Cordoba အနေနဲ့ အစာငတ်ခံနေရမှာထက်စာရင် သေသွားတာမှ ပိုကောင်းအုံးမယ် ဆိုတဲ့ စိတ်ရောဂါတစ်ခုလည်း စတင် စွဲကပ်နေပြီ ဖြစ်ပါတယ်။

တစ်နေ့မှာ Cordoba တစ်ယောက် သေကြောင်းကြံစည်ဖို့ ပင်လယ်ထဲ ခုန်ချရန် ကြိုးစားခဲ့တာကြောင့် Alvarenga အနေနဲ့ ငါးကန်ထဲမှာ ပိတ်လှောင်ပြီး စောင့်ကြည့်နေရတဲ့အထိ Cordoba ရဲ့ အခြေအနေဟာ ပိုမို ဆိုးဝါးလာခဲ့ပါတယ်။ Alvarenga တစ်ယောက် အစွမ်းကုန် ကြိုးစားပြီး အစားအစာ ကျွေးကျွေး ရေတိုက်တိုက် Cordoba ကတော့ ငြင်းဆန်ခဲ့ပါတယ်။

နောက်ဆုံးမှာတော့ Cordoba တစ်ယောက် အာဟာရချို့တဲ့ပြီး အသက်သေဆုံးသွားခဲ့ပါတယ်။ Cordoba သေဆုံးသွားတာဟာ Alvarenga အတွက်တော့ ကြီးမားတဲ့ ထိုးနှက်ချက် တစ်ခုပါပဲ။ Alvarenga တစ်ယောက် သူ့ သူငယ်ချင်းရဲ့ အလောင်းကို သေဆုံးပြီး ၆ရက် အကြာမှသာ ပင်လယ်ထဲကို မြောပစ်နိုင်ခဲ့ပါတယ်။

“သူ့ကို ကျွန်တော် ပင်လယ်ထဲစွန့်ပစ်ပြီးတော့ ကျွန်တော် ငါးကန်ထဲပြန်ဝင်ပြီး တစ်နေကုန် ငိုနေခဲ့တာဗျ”

လို့ Alvarenga က ပြန်လည် ရှင်းပြခဲ့ပါတယ်။

Cordoba သေဆုံးပြီးတဲ့နောက်မှာ Alvarenga တစ်ယောက် Cordoba လို့ အဖြစ်မျိုးနဲ့ သူကိုယ်တိုင် မကြုံတွေ့ရအောင် သူ့ရဲ့ စိတ်တွေကို တည်ငြိမ်အောင် တော်တော်ကြီးကို ထိန်းချုပ်ခဲ့ရပါတယ်။ Cordoba သေဆုံးပြီး ရက်အနည်းငယ် အကြာမှာ သူ့ရဲ့ စိတ်တွေကို ထိန်းချုပ်နိုင်မယ့် နည်းလမ်းကို ရှာဖွေတွေ့ရှိခဲ့ပါတယ်။

အဲ့ဒါကတော့ ပင်လယ်ထဲကို ဆင်းပြီး ရေစိမ်တာပဲ ဖြစ်ပါတယ်။

“ပင်လယ်ထဲကို ဆင်းပြီး ရေစိမ်တာက လွယ်တဲ့ ကိစ္စတော့ မဟုတ်ဘူးဗျ။ ငါးမန်းအန္တရယ်ကလည်း ကြောက်ရသေးတယ်လေ။ ပထမဦးဆုံး ကျွန်တော် ဖမ်းပြီးစားတုန်းက ချန်ထားတဲ့ ဌက်ခြေထောက်အရိုးတွေကို ရေထဲကို အရင်ပစ်ချရတယ်။ ပြီးရင် ပင်လယ်အောက်က အခြေအနေကို စောင့်ကြည့်ရတယ်။ ငါးမန်း အရိပ်အခြေ မတွေ့ဘူးဆိုရင် ရေထဲကို ဆင်းတယ်။ ရေကူးတယ်။ ရေငုပ်တယ်။ “

“တကယ်လို့ ကျွန်တော့် ဘေးနားမှာ ဖြတ်သန်း သွားလာနေတဲ့ ငါးလေးတွေ အသားကုန် ကူးခတ်နေပြီ ဆိုရင်တော့ ကျွန်တော်လည်း စက်လှေပေါ် အမြန်ဆုံး ပြေးတက်တော့တာပဲ။ ဘာလို့လည်း ဆိုတော့ ဒီငါးလေးတွေ အမြန်ပြေးနေပြီဆိုရင် သိပ်မကြာခင် ငါးမန်း ရောက်လာတော့မှာလေ။”

“ပင်လယ်ထဲကို ငါးမိနစ်လောက်ပဲ ဖြစ်ဖြစ် ရေဆင်းကူးရတာ ကျွန်တော့်လို ကုန်းပတ်ပေါ်မှာ တစ်နေကုန် နေရတဲ့ သူတစ်ယောက်အတွက်တော့ ပျော်စရာပေါ့ဗျာ။ အဲ့လိုရေကူးနေရတဲ့ အချိန်ဆို ဟိုအရင်တုန်းက ကျွန်တော့်သူငယ်ချင်းတွေနဲ့ အတူ ကမ်းခြေသွားပြီး ပျော်ခဲ့တာတွေကိုတောင် သတိရမိသေးတယ်”

လို့ Alvarenga က ပြန်လည် ရှင်းပြခဲ့ပါတယ်။

Cordoba သေဆုံးမှုကြောင့် စိတ်ဓါတ်ပျက်ပြားနေတဲ့ Alvarenga ကို ကယ်တင်ခဲ့တဲ့ နောက်ထပ် တစ်ချက်ကတော့ သူ့ရဲ့ နှစ်ပေါင်းများစွာ ဝေးကွာနေတဲ့ ၁၄ နှစ်အရွယ် သမီးလေး Fatima ဖြစ်ပါတယ်။

“သမီးလေးအကြောင်းကို ကျွန်တော်နေ့တိုင်း စဉ်းစားနေမိတာဗျ။ ညတွေဆိုလည်း သူ့အကြောင်း အိပ်မက် မက်တယ်။ အိပ်မက်ထဲမှာ သူကျွန်တော့်ကို “ဖေဖေ” လို့ ခေါ်လိုက်ပြီဆိုရင် ကျွန်တော် အရမ်းပျော်တာပဲဗျာ”

လို့ Alvarenga က ပြောပြခဲ့ပါတယ်။

တစ်နေ့မှာ Alvarenga တစ်ယောက် အိမ်ပြန်နိုင်ဖို့ အခွင့်အရေးတွေနဲ့ နီးစပ်လို့လာခဲ့ပါတယ်။ ပင်လယ်ကူး သင်္ဘောကြီး တစ်စင်း Alvarenga ရဲ့ စက်လှေဆီကို ဦးတည်ပြီး ခုတ်မောင်းလာတာကို မြင်တွေ့လိုက်ရတာ ကြောင့် Alvarenga တစ်ယောက် ကြောက်လည်းကြောက်၊ ဝမ်းလည်းဝမ်းသာဆိုတဲ့ အနေအထားနဲ့ သင်္ဘောကြီးကို ဆီးကြိုနေမိပါတယ်။

ကြောက်ရတဲ့ အကြောင်းအရင်းကတော့ ဒီသင်္ဘောကြီး ကျွန်တော့်စက်လှေလေးကို မမြင်ပဲ ဖြတ်တိုက်သွားရင် ကျွန်တော်သေမှာလေ။ ဒါကြောင့်မို့လို့ ကျွန်တော်လည်း အစွမ်းကုန် လက်တွေကို ဝှေ့ရမ်းပြီး ကျွန်တော် ရှိနေကြောင်း သင်္ဘောပေါ်ကလူတွေ မြင်အောင် လုပ်ပြတာပေါ့ဗျာ။ “

“သင်္ဘောကုန်းပတ်ပေါ်က လူတွေကလည်း ကျွန်တော့်ကို ပြန်ပြီး လက်ပြတယ်ဗျ။ ကျွန်တော်ဖြင့် ပျော်လိုက်တာ ပြောမနေပါနဲ့။ ဒါပေမယ့် ဒီကောင်တွေက ကျွန်တော် ဒီပင်လယ်ထဲလာပြီး နေပူဆာလှုံနေတယ် ထင်သွားတယ် ထင်ပါရဲ့ဗျာ။ ကျွန်တော့် စက်လှေလေးကို ကျော်ပြီး ထွက်သွားလိုက်တာ လှည့်တောင်မကြည့်ကြဘူး”

လို့ Alvarenga က ပြန်လည် ရှင်းပြခဲ့ပါတယ်။

ဒီလိုနဲ့ Alvarenga တစ်ယောက် ပင်လယ်ထဲမှာ လွင့်မြောနေလိုက်တာ ၁၁လနီးပါး ကြာမြင့်လာခဲ့ပါတယ်။ ခန္ဓာကိုယ်မှာလည်း အဝတ်အစားဆိုလို့ စုတ်ပြဲနေတဲ့ အင်္ကျီတစ်ထည် နဲ့ အတူ အတွင်းခံ ဘောင်းဘီတစ်ထည် ပင်လယ်ထဲက ကောက်ရတဲ့ ဖိနပ်စုတ် တစ်ရံသာ ရှိပါတော့တယ်။

ပင်လယ်ထဲမှာ တစ်ကိုယ်တည်း ယောင်ချာချာ ဖြစ်နေတဲ့ Alvarenga တစ်ယောက်

“ဘာလို့ ကျွန်တော့်ကို အခုအချိန်ထိ အသက်ရှင်ခွင့်ပေးထားတာလဲ”

“စိတ်ဓါတ်ကျပြီး ကိုယ့်ကိုကိုယ့် သတ်သေဖို့ ကြိုးစားနေတဲ့ သူတွေကို ကျွန်တော့်ဘဝကို အတူယူပြီး ပြန်လည် ကြိုးစားဖို့အတွက် နည်းပေးလမ်းပြ တစ်ဦးအဖြစ် တည်ရှိနေစေချင်လို့လား”

“အခုအခြေအနေထက်ပိုပြီးဆိုးဝါးတဲ့ အခြေအနေတွေထက် ကြုံတွေ့စေချင်လို့လား”

စတဲ့ မေးခွန်းတွေ ဘုရားသခင်ကို အကြိမ်ကြိမ် မေးမြန်းနေမိပါတော့တယ်။

ဇန်နဝါရီ ၃၀ ၂၀၁၄ မှာတော့ Alvarenga ရဲ့ ကံဆိုးမိုးမှောင်မှုတွေ အပြီးအပိုင် ချုပ်ငြိမ်းစေဖို့အတွက် ကံကောင်းခြင်း လေပြေညှင်းတွေကို စတင် ခံစားလာရပြီ ဖြစ်ပါတယ်။

ပင်လယ်ထဲမှာ အုန်းသီးပုပ်တွေကို စပြီး မြင်တွေ့လာရတယ်။ ကမ်းခြေအနီးအနားမှာသာ မြင်တွေ့ရတဲ့ ငှက်တွေကို ပင်လယ်ပြင်ထဲမှာ မြင်တွေ့လာရတယ်။ ဒါကြောင့်မို့လို့ Alvarenga တစ်ယောက် စက်လှေပေါ်ကနေ အပြောကျယ်လှတဲ့ ပင်လယ်မျက်နှာပြင်ကြီးကနေ တစ်ဆင့် ကမ်းခြေအရိပ်အယောင်လေးများ တွေ့မြင်ရမလား ဆိုပြီး မျှော်လင့်တကြီး ရှာဖွေနေခဲ့ပါတယ်။

ကံကောင်းစွာနဲ့ပဲ ကျွန်းသေးသေးလေးတစ်ခုကို Alvarenga ရှာတွေ့ခဲ့ပါတယ်။

“ကျွန်းလေးက သေးသေးလေးဗျ။ လှေပေါ်ကနေ လှမ်းကြည့်တော့ ဘာကားမှလည်း မတွေ့ဘူး။ အိမ်တွေလည်း မတွေ့ဘူး။ ကျွန်တော်လည်း ကမ်းခြေလေးဆီး ချက်ချင်း ရေကူးပြီး သွားလိုက်ချင်တာပေါ့ဗျာ။ ဒါပေမယ့် ငါးမန်း ရန်ကလည်း ကြောက်ရသေးတော့ တန်းပြီးလည်း မဆင်းသွားရဲ့ဘူး။”

“နေ့တစ်ဝက်လောက် အခြေအနေစောင့်ကြည့်ပြီး အခြေအနေကောင်းတာနဲ့ ကမ်းဆီကို ပြေးတော့တာပဲ။ ပင်လယ်လှိုင်းတွေရဲ့ အကူအညီနဲ့ ကမ်းစပ်ကို အဆင်ပြေပြေနဲ့ ရောက်သွားခဲ့ပါတယ်။ ကမ်းစပ်မှာ သဲတွေကို တွေ့တာ ကျွန်တော့်အတွက်တော့ ရတနာတွေ မြင်ရတာထက်တောင် ပျော်ပါသေးတယ်ဗျာ”

လို့ Alvarenga က ပြန်လည် ရှင်းပြခဲ့ပါတယ်။

နောက်ထပ် ကံကောင်းသွားတဲ့ အချက်တော့ Alvarenga ရောက်ရှိနေတဲ့ ကျွန်းရဲ့ ပိုင်ရှင် စုံတွဲ နှစ်ဦး Alvarenga ကျွန်းပေါ်ရောက်ရှိနေတဲ့ အချိန်မှာ တိုက်တိုက်ဆိုင်ဆိုင် ကျွန်းပေါ်မှာ ရှိနေခဲ့တာပါပဲ။ Alvarenga ရောက်ရှိခဲ့တဲ့ ကျွန်းလေးရဲ့ နာမည်ကတော့ Ebon Atoll လို့ ခေါ်ဆိုတယ်လို့ သိရပါတယ်။ တကယ်လို့ Alvarenga သာ Ebon ကျွန်းကို မတွေ့ရှိခဲ့ဘူးဆိုရင် နောက်ထပ် မိုင်ပေါင်း ၃၀၀၀ ကျော် ဆက်လက် လွင့်မြောနိုင်မှ ဖိလစ်ပိုင်နိုင်ငံကို ရောက်ရှိနိုင်မှာ ဖြစ်တယ်လို့ သိရပါတယ်။

Ebon ကျွန်းကို ရောက်ရှိပြီး ၁၁ ရက် အကြာမှာ Alvarenga ရဲ့ ကျန်းမာရေး အခြေအနေ ပြန်လည်ကောင်းမွန် လာပြီ ဖြစ်ပြီး ခရီးသွားလာနိုင်ပြီ ဖြစ်တာကြောင့် သူ့ရဲ့ မွေးရပ်မြေ မက္ကဆီကို နိုင်ငံ El Salvador မြို့ကို ပြန်လည် ပို့ဆောင်ပေးခဲ့ပါတယ်။

မွေးရပ်မြေကို ပြန်ရောက်လို့ ချစ်သမီးလေး Fatima ကို တွေ့တဲ့ အချိန်မှာ တစ်ဘဝလုံး ပေပေတေတေနေခဲ့တဲ့ အရက်သမား လူကြမ်းကြီး Alvarenga တစ်ယောက် သမီးလေးကို ဖက်ပြီး မျက်ရေမဆည်နိုင်အောင် ဖက်လှဲတစ်ကင်းနဲ့ ငိုကြွေးလို့ နေခဲ့ပါတယ်။

“သမီးကို ဖေဖေ အရမ်း ချစ်ပါတယ်။ သမီးလေးကို ဒီနှစ်ပိုင်းတွေမှဦ ကောင်းကောင်းမွန်မွန် ပြုစု ပျိုးထောင်ပေးရမယ့် ဖခင်တစ်ယောက်ရဲ့ တာဝန်တွေ ဖေဖေ လစ်ဟင်းခဲ့ပါတယ်။ ဒါပေမယ့် အခုအချိန်က စပြီး သမီးလေးအတွက် ဖခင်ကောင်း တစ်ယောက် ဖြစ်အောင် ဖေဖေ ကြိုးစားသွားမှာပါ”

လို့ လူကြမ်းကြီး Alvarenga တစ်ယောက် ပြောလည်းပြော ငိုလည်းငိုကြွေးလို့ နေခဲ့ပါတယ်။

Alvarenga ရဲ့ အဖြစ်အပျက်ဟာ ပင်လယ်ပြင် ခရီးသွားလာရေး မှတ်တမ်းရဲ့ အံအားသင့်ဖွယ်စာရင်းမှာ တစ်ခု အပါအဝင် အဖြစ် ရပ်တည်နိုင်ခဲ့ပါတယ်။ Alvarenga အနေနဲ့ ပင်လယ်ပြင်ထဲမှာ စက်လှေကို လှော်ခတ်ခြင် မရှိခဲ့သလို လမ်းကြောင်း ထိန်းပေးခဲ့ခြင်းလည်း မရှိပါဘူး။ ပင်လယ်ရဲ့ စေခေါ်ရာနောက်ကို လွင့်မြော လိုက်ပါနေခဲ့တာ ဖြစ်ပါတယ်။ လက်ရှိအချိန်မှာ မိသားစုနဲ့ အတူ ပျော်ပျော်ရွှင်ရွှင်နဲ့ နေထိုင်နေပြီ ဖြစ်တဲ့ Alvarenga ရဲ့ ဘဝဟာ ကံဆိုးမှုများစွာနဲ့ ကြုံတွေ့ခဲ့ရသလို နောက်ဆုံးမှာတော့ ကံကောင်းခြင်းတွေနဲ့ ရင်ဆိုင်ခဲ့ရပါတယ်။

ဒါကြောင့်မို့လို့ ကျွန်တော်တို့ အနေနဲ့လည်း Alvarenga ရဲ့ အဖြစ်အပျက်ကို အတုယူပြီး ဘဝမှာ ကံဆိုးမှုတွေနဲ့ ကြုံတွေ့ခဲ့ရရင်တောင် စိတ်ဓါတ်ကျသွားခြင်း မရှိပဲ ကံကောင်းခြင်းတွေ ပြန်လည် ရောက်ရှိလာအောင် အစွမ်းကုန် ကြိုးစားသင့်တယ်လို့ ဒီနေရာကနေ အကြံပေးလိုက်ပါရစေ။

Leave a Reply

This site uses Akismet to reduce spam. Learn how your comment data is processed.