” လူကြမ်းဘဝ” (လူကြမ်း ဦးမင်းစိန် နောက်ဘဝ မြန်မာပြည်မှာ လူဖြစ်ရင် လူကြမ်းမဖြစ်ပါစေနဲ့။)

လူကြမ်းတွေရဲ့ ဘဝ သနားဖို့တော့ အတော်ကောင်း။
မင်းသွေး သေတုန်းက လူတွေကျက်ပျံမကျ စည်ကားလိုက်တာ။
ကျန်ခဲ့တဲ့ မိန်းမနဲ့ခလေးတော့ သနားဖို့ကောင်း။
ရုပ်ရှင် အစည်းရုံးအနေနဲ့ ဒါမျိုးတွေ ထောက်ပံ့ဖို့လိုပြီး။

မြန်မာပရိသတ်များအနေဖြင့် ရုပ်ရည်ကြည့်ပြီး အားမပေးဘဲ
ဇာတ်ရုပ်ကိုကြည့်ပြီး အားပေးဖို့လိုပြီး။
မြန်မာရုပ်ရှင် လူကြမ်းတွေရဲ့ အခန်း တိုးတက်ဖို့လို့ပြီး။
ပရိသတ်များ လူကြမ်းတွေရဲ့ ဘဝကို စာနာတတ်ကြပါစေ။
လူကြမ်းတွေရဲ့ ဇာတ်ရုပ်ကို ခံစားနားလည်နိုင်ကြပါစေ။
လူကြမ်းတွေ အပေါ်မေတ္တာထားနိုင်ကြပါစေ။
လူကြမ်းတွေအပေါ် ဒေါသတွေ အမုန်းတွေ လျော့ချနိုင်ပါစေ။
ရေးသာရေးရတာ ငယ်ငယ်က မြန်မာဇာတ်ကားကြည့်ပြီး
ရဲလာရင် လပ်ခုပ်ထတီးတာ ကိုယ်အစောဆုံး။

မင်းသားနှိပ်စက်ခံရရင် မျက်ရည်ကျတာ ကိုယ်။
ဇာတ်ကားထဲမှာ ဒီလူကြမ်း သေပါစေလို့ စိတ်ထဲမှာ ကြိတ်ပြီး
ဆုတောင်းတာကိုယ်။
မင်းသားက လူကြမ်းကို ထိုးကြိတ်နိုင်ရင် ဝမ်းသာမတတ် ပျော်ရတာလည်း ကိုယ်။
မြန်မာပြည်မှာ လူကြမ်းလုပ်ရတာ မလွယ်ပါလား။
ရတဲ့ အသပြာက မိသားစု စားဖို့မလောက်မငှ။
ဇာတ်ကားရိုက်ရင် ထိမိခိုက်မိလို့ဒဏ်ရာရလို့ လျော်ကြေးရလည်း
မဖြစ်စလောက်။

နောက်ဇာတ်ကားတွေ မခေါ်မှာကြောက်လို့
ထုတ်လုပ်သူ ဒါရိုက်တာ မင်းသား မင်းသမီးတွေကို အသနားခံ
အားငယ်တဲ့ မျက်လုံးနဲ့ တောင်းပန်ကြည့်နေရတဲ့ဘဝ။
သေသွားသူ လူကြမ်း ဦးမင်းစိန် နောက်ဘဝ မြန်မာပြည်မှာ လူဖြစ်ရင် လူကြမ်းမဖြစ်ပါစေနဲ့။ မင်းသားဖြစ်ပါစေ။
လူကြမ်းဖြစ်မယ်ဆိုလည်း
နိုင်ငံခြားမှာဘဲဖြစ်ပါစေ။ အနုပညာကို နားမလည်တဲ့ မြန်မာနိုင်ငံမှာ ဦးမင်းစိန် လူကြမ်းမဖြစ်ပါစေနဲ့ ဆုတောင်းရင်။

အရှင်သုန္ဒရ ကျိုက္ကော် သထုံ

Leave a Reply

This site uses Akismet to reduce spam. Learn how your comment data is processed.