အကြီးဆုံး၊ အလတ် နဲ့ အငယ်ဆုံးတို့ရဲ့ မတူညီတဲ့စရိုက်နဲ့ အားသာချက်၊ အားနည်းချက်များ…

သုတေသနပညာရှင်တွေဟာ မွေးချင်းတွေထဲမှာ ဘယ်နှယောက်မြောက်လဲဆိုတာနဲ့ ဆက်စပ်နေတဲ့ ပင်ကိုယ်စရိုက်တွေအကြောင်းကို လေ့လာခဲ့ပါတယ်။

လေ့လာတွေ့ရှိချက်အရ အကြီးဆုံးသားသမီးတွေဟာ မွေးရာပါ ခေါင်းဆောင်အရည်အသွေးတွေကို ပိုင်ဆိုင်ထားပြီး တာဝန်ယူလိုစိတ်နဲ့ စဉ်းစားတွေးခေါ်နိုင်စွမ်းပိုပြီး မြင့်မားကြပါတယ်။

ဒါကြောင့် တစ်ခါတလေမှာ သူတို့ဟာ စိတ်ကြီးပြီး ဒေါသထွက်လွယ်သလို၊ ပြိုင်ဆိုင်လိုစိတ်လည်း ပိုပြီးပြင်းထန်ကြပါတယ်။ ဒါတင်မကပဲ အကြီးဆုံးသားသမီးတွေဟာ ဥာဏ်ပိုကောင်းပြီး ပိုတော်ကြကြောင်းလည်း လေ့လာတွေ့ရှိထားပါတယ်။

Northwestern University နဲ့ University of Florida အလတ်သားသမီးတွေနဲ့ပတ်သက်ပြီး လေ့လာတွေ့ရှိထားတာကတော့ အလတ်တွေဟာ ဂျစ်ကန်ကန်တွေပိုများပြီး ပိုမိုဆိုးသွမ်းကြကြောင်း တွေ့ရှိထားပါတယ်။

ဒီလိုပြောလို့ အလတ်အားလုံး လူဆိုးတွေလို့ပြောချင်တာမဟုတ်ပါဘူး။ အလတ်တော်တော်များများမှာ တွေ့ရတဲ့ လေ့လာတွေ့ရှိချက်သာဖြစ်ပါတယ်။

မကြာသေးခင်က YouGov ကပြုလုပ်တဲ့သုတေသနမှာ အငယ်ဆုံးသားသမီးတွေဟာ မွေးချင်းတွေထဲမှာ အရယ်ရဆုံးသူတွေ ဖြစ်ကြောင်း လေ့လာတွေ့ရှိခဲ့ပါတယ်။ အငယ်ဆုံးသားသမီးတွေဟာ ဟာသဥာဏ်ပိုရွှင်ပြီး ရယ်စရာတွေ အရမ်းလုပ်တတ်တဲ့သူတွေပါ။

သားသမီးတွေဟာ ဘာကြောင့် မွေးစဉ်အလိုက် အကျင့်တွေကွဲပြားနေရတာလဲဆိုပြီးတော့ မေးခွန်းတွေထုတ်လာကြတဲ့အခါမှာ တစ်ခုတည်းသောအဖြေကတော့ မိဘတွေရဲ့ ထိန်းကျောင်းမှုကြောင့်ပါပဲ။


အကြီးဆုံးသားသမီးတွေဟာ အငယ်တွေအတွက် ရှေ့ဆောင်လမ်းပြကောင်းတစ်ယောက် ဖြစ်လာစေဖို့အတွက် မိဘတွေရဲ့ ဖိအားပေးခြင်းကို ပိုပြီးခံကြရပါတယ်။ ဒါပေမယ့်လည်း အငယ်ဆုံးတွေကျတော့ မဆူရက်၊ မပြောရက်နဲ့ ကလေးတစ်ယောက်လိုပဲ သတ်မှတ်ထားတာကြောင့် သူတို့တွေက ဖိအားသိပ်မများပါဘူး။

ဒါကြောင့် အကြီးဆုံးသားသမီးတွေက မွေးချင်းတွေထဲမှာ စိတ်ဖိအားပိုများပြီး အငယ်ဆုံးတွေကတော့ ပိုပြီးလွတ်လပ်ကြပါတယ်။ ဒါကြောင့်ပဲ စိတ်နေစိတ်ထား၊ ရင့်ကျက်မှုတွေကအစ ကွာခြားသွားရတာဖြစ်ပါတယ်။

Leave a Reply

This site uses Akismet to reduce spam. Learn how your comment data is processed.