Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

#ပြက်ရယ်ပြုခံခဲ့ကြရတဲ့ ကမ္ဘာကျော်ပုဂ္ဂိုလ်များ ( ဗန်းမော်သိန်းဖေ )

မင်းမှာ အကြံတစ်ခု ရှိနေတယ်ကွာ။ ဒါပေမဲ့ မင်းရဲ့ အကြံဟာ ရယ်စရာ ကောင်းတယ်။ လုံးဝမဖြစ်နိုင်ဘူး။ အောင်မြင်မှာ မဟုတ်ဘူးလို့ အပြောခံရလို့ မင်း ဆက်မလုပ်တော့ဘူး မဟုတ်လား။ အဲဒီအတိုင်းဆိုရင် သေချာ ပြန်စဉ်းစားစမ်းပါ။ ဒီနေ့တွေ့မြင်နေရတဲ့ ပစ္စည်းအများစုဟာ အရင်က လူတွေရဲ့ မဖြစ်နိုင်ဘူး၊ ရယ်စရာကောင်းတယ်ဆိုတဲ့ အကြံတွေကနေ ထွက်ပေါ်လာခဲ့ကြတာပါ။

အခု ငါ ပြောပြခဲ့တာကို မင်း မယုံဘူးဆိုရင် အလွန့်အလွန် အောင်မြင်နေကြတဲ့ လူ ၁၀ ယောက် အကြောင်းကို ပြောပြပါမယ်။ သူတို့ရဲ့ အကြံတွေဟာ အစပိုင်းမှာ လူတွေက ရယ်စရာကောင်းတယ်၊ အောင်မြင်မှာ မဟုတ်ဘူးလို့ အပြောခံခဲ့ကြရတယ်။ လှောင်ပြောင်တာတွေကို ခံခဲ့ကြရတယ်။ ဒါပေမဲ့ သူတို့ဟာ အဲဒီလို ဝေဖန်တာတွေကို ဂရုမထားဘဲ သူတို့စိတ်ကူးထဲက ဖြစ်ချင်တာကို ဖြစ်အောင် လုပ်နိုင်ခဲ့ကြတယ်။ စိတ်ဓာတ်မကျဘဲ ဇွဲရှိရှိနဲ့ ဆက်ကြိုးစားခဲ့ကြတယ်။ နောက်ဆုံး သူတို့ဟာ အောင်မြင်တယ်ဆိုတာထက် အကြီးအကျယ်ကို အောင်မြင်သွားခဲ့ကြတယ်။

၁) မာ့ခ်ဇူကားဘတ် (Mark Zuckerberg)
လူတွေအချင်ချင်း ဆက်သွယ်ပေးနိုင်မယ့် စနစ်တစ်ခုကနေ ကမ္ဘာပေါ်က လူတွေအားလုံး သုံးကြမယ်လို့ ဘယ်သူကများ တွေးမိကြလို့လဲ။ ယနေ့ မာ့ခ်ဇူကားဘတ်တီထွင်လိုက်တဲ့ Facebook ဟာ ကမ္ဘာပေါ်က လူဦးရေ ဘီလီယံချီပြီး သုံးနေကြပါပြီ။ သူက ဆိုရှယ်မီဒီယာတစ်ခုကို တီထွင်ပြီး ကမ္ဘာကြီးရဲ့ လူတွေ ဆက်သွယ်မှုကို ပြောင်းလဲပစ်မယ်လို့ ပြောတုန်းက လူတွေ ရယ်ကြတယ်။ သူ့ကို အရူးလို့ ထင်ကြတယ်။ အခုတော့ သူပြောသလို ဖြစ်လာရုံမက သူလည်း ကမ္ဘာပေါ်မှာ အချမ်းသာဆုံး လူတွေထဲက တစ်ယောက် ဖြစ်လာခဲ့ပါတယ်။

၂) ဟင်နရီဖို့ဒ် (Henry Ford)
ယနေ့ခေတ် လူငယ်လေးတွေက လွဲရင် ကျန်လူတွေအားလုံးဟာ ဟင်နရီဖို့ဒ်ဆိုတာ မော်တော်ကားကို ဈေးသက်သက်သာသာနဲ့ ၀ယ်စီးနိုင်ဖို့ စက်ရုံတွေကနေ ထုတ်လုပ်ပေးခဲ့တဲ့ သူဌေးကြီးဆိုတာကို သိကြပါတယ်။ သူဟာ လူတိုင်း ဈေးသက်သက်သာသာနဲ့ ၀ယ်စီးနိုင်တဲ့ မော်တော်ကားတစ်စီးကို တီထွင်ပြီး စက်မှုလုပ်ငန်းရှင်တွေကို ဖိတ်ခေါ်ပြတယ်။ လုပ်ငန်းရှင်တွေက အလုပ်မဖြစ်ဘူးလို့ ပြောကြတယ်။ နောက်တော့ တီထွင်ပညာရှင်ကြီး သောမတ်စ်အယ်ဒီဆင်ရဲ့ အားပေးမှုနဲ့ သူဟာ မော်တော်ကားတွေကို စက်ရုံကနေ ထုတ်လုပ်တယ်။ အဲဒီအချိန်က စလို့ လူတိုင်းနီးပါး ကားဝယ်စီးနိုင်လာကြတယ်။ ကမ္ဘာကြီးရဲ့ ခရီးသွားလာတဲ့စနစ်ကို ပြောင်းလဲသွားခဲ့တယ်။

၃) ဝေါလ်ဒစ္စနေး (Walt Disney)
ယနေ့ လူကြီးတွေ ဖြစ်နေကြသူတွေဟာ ကလေးဘ၀တုန်းက မစ်ကီမောက်စ် (Mickey Mouse) ဆိုတဲ့ ကာတွန်းရုပ်လေးနဲ့ ရင်းနှီးခဲ့ကြပါတယ်။ ဝေါလ်ဒစ္စနေးက သူဆွဲတဲ့ မစ်ကီမောက်စ်အပါအ၀င် ကာတွန်းပုံလေးတွေကို ပြပြီး စာအုပ်တွေ မဂ္ဂဇင်းတွေမှာ ထည့်ဖို့ ပြောတာ ဘယ်ထုတ်ဝေသူမှ စိတ်မ၀င်စားကြဘူး။ ဒါပေမဲ့ သူ့ရဲ့ မလျှော့တဲ့ ဇွဲနဲ့ ဆက်ကြိုးစားမှုကြောင့် သူ့ဟာ မီလျံနာသူဌေးတစ်ယောက် ဖြစ်ခဲ့ရုံမက Wlat Disney ဆိုတာလည်း ကမ္ဘာကျော် ရုပ်ရှင်ကုမ္ပဏီကြီး ဖြစ်လာခဲ့ပါတယ်။

၎) ကာနယ်ဆင်းဒါးစ် (Colonel Sanders)
KFC ဆိုရင် လူတိုင်းသိကြပါတယ်။ ကင်တပ်ကီကြက်သားကြော်ပါ။ အသက် ၆၅ နှစ်အရွယ် Colonel Sanders လို့ လူသိများတဲ့ Harland David Sanders စစ်တပ်က ပင်စင်ယူပြီးတဲ့အခါ ကားစုတ်တစ်စီးကို ကိုယ်တိုင်မောင်းပြီး ကြက်သားကြော်နည်းကို အမေရိကန်နိုင်ငံတစ်ခွင်က စားသောက်ဆိုင်တွေမှာ လှည့်လည်ရောင်းချပါတယ်။ ဘယ်သူမှ စိတ်မ၀င်စားကြဘူး။ နောက်ဆုံး (၁၀၀၉) ခုမြောက် ဆိုင်က သူ့ကြက်သားကြော်နည်းကို ၀ယ်လိုက်တယ်။ ယနေ့ ကမ္ဘာပေါ်မှာ သူ့ကြက်သားကြော် မရောင်းတဲ့ နိုင်ငံဆိုတာ မရှိသလောက် ဖြစ်နေပါပြီ။

၅) အဲလ်ဗစ်ပရက်စလေ (Elvis Presley)
သူဟာ သီချင်းဆိုတာ အရမ်းဝါသနာ ပါတယ်။ အောင်မြင်မယ်လို့လည်း ယုံကြည်တယ်။ သူဟာ နက်ရ်ှဗီးလ်မြို့က စားသောက်ဆိုင်တစ်ခုရဲ့ စင်မြင့်ပေါ်မှာ ပထမဆုံး သီချင်းတက်ဆိုတယ်။ လူတွေက သူကတာကို အရူးချီးပန်းအကလို့ လှောင်ပြောင်အော်ဟစ်ပြီး သူ့ကို စင်ပေါ်က ဆင်းခိုင်းကြတယ်။ ဆိုင်မန်နေဂျာက သူ့ကို နေရင်း မင်းဖစ်စ်မြို့ကို ပြန်ပြီး ထရပ်ကားမောင်းတဲ့ အလုပ်ကို ပြန်လုပ်ဖို့ အကြံပေးပါတယ်။ ဒါပေမဲ့ ပရက်စလေဟာ မန်နေဂျာစကားကို နားမထောင်ဘဲ သီချင်းဆက်ဆိုတယ်။ တေးဂီတသမိုင်းမှာ ရော့အင်ရိုးတေးသံရှင်ဆိုတဲ့ ဂန္တ၀င်မြောက် ကမ္ဘာကျော် တေးသံရှင်တစ်ယောက် ဖြစ်လာခဲ့တယ်။

၆) စတီဖင်ကင်း (Stephen King)
စတီဖင်ကင်းဟာ အမေရိကန်နိုင်ငံက ကြောက်လန့်စရာ သည်းထိတ်ရင်ဖို သဘာဝလွန်ဖြစ်ရပ် စိတ်ကူးယဉ်ဝတ္တုတွေရေးတဲ့ အမေရိကန်နိုင်ငံက နာမည်ကြီး ကမ္ဘာကျော် စာရေးဆရာတစ်ယောက်ပါ။ သူ့ဝတ္တုစာအုပ်ဟာ ယနေ့အထိ ကမ္ဘာပေါ်မှာ သန်း ၃၅၀ လောက် ရောင်းချပြီးခဲ့ပါပြီး သူရဲ့ ပထမဆုံး သည်းထိတ်ရင်ဖို ၀တ္တုဖြစ်တဲ့ Carrie ကို ထုတ်ဝေဖို့ စာအုပ်ထုတ်ဝေသူပေါင်း ၃၀ ကျော်ရဲ့ ငြင်းဆိုခံခဲ့ရတယ်။ သူဟာ စိတ်ပျက်ပြီး Carrie စာမူကို အခန်းထဲက မီးလှုံတဲ့ မီးဖိုထဲကို ပစ်ချလိုက်တယ်။ သူ့ဇနီးက မြင်လိုက်လို့ စာမူကို မီးဖိုထဲက ပြန်ဆယ်လိုက်တယ်။ စာရွက်နည်းနည်း မီးလောင်သွားတယ်။ ထုတ်ဝေသူတစ်ယောက်ကို ပြလိုက်လို့ စာအုပ်ဖြစ်လာတယ်။ ကမ္ဘာကျော် စာအုပ်တစ်အုပ် ဖြစ်လာခဲ့တယ်။ သူလည်း အဲဒီစာအုပ်ကစပြီး ကမ္ဘာကျော် စာရေးဆရာတစ်ယောက် ဖြစ်လာခဲ့တယ်။

၇) ဂျေကေရိုးလင်း (J. K Rowling)
ယနေ့ ဂျေကေရိုးလင်းဆိုတဲ့ နာမည်ကို မသိသူ မရှိသလောက် ဖြစ်နေပါပြီ။ ဟယ်ရီပေါ်တာ (Harry Potter) ၀တ္ထုတွဲတွေနဲ့ အရမ်းနာမည်ကြီးနေတဲ့ အမျိုးသမီး စာရေးဆရာပါ။ သူ့ရဲ့ ပထမဆုံး ဟယ်ရီပေါ်တာ ၀တ္ထုဟာ ထုတ်ဝေသူ ဘယ်နှယောက်ရဲ့ အပယ်ခံခဲ့ရသလဲ။ တစ်ယောက်၊ နှစ်ယောက် မဟုတ်ပါ။ ၁၂ ယောက်ရဲ့ အပယ်ခံခဲ့ရတယ်။ ဒါပေမဲ့ သူ့ဝတ္ထုဟာ အကြီးအကျယ် အောင်မြင်မယ်လို့ ယုံကြည်ချက်နဲ့ ဇွဲမလျှော့ဘဲ စာအုပ်ထုတ်ဝေမယ့်သူကို လိုက်ရှာတယ်။ နောက်ဆုံး တွေ့လိုက်တယ်။ သူလည်း . . .

၈) စတက်ဖနီမေးယား (Stephnie Meyer)
Twilight စာမူကို ထုတ်ဝေဖို့ ထုတ်ဝေသူပေါင်း ၁၅ ယောက်ဆီကို ပို့လိုက်တယ်။ ၅ ယောက်က အကြောင်း မပြန်ဘူး။ ၉ ယောက်က မထုတ်ဝေဘူးလို့ အကြောင်းပြန်လာတယ်။ တစ်ယောက်က စမ်းထုတ်ကြည့်မယ်။ စာမူခကို နည်းနည်းလေး ပေးမယ်လို့ ပြောတယ်။ အဲဒီစာအုပ်ကစလို့ စတက်ဖနီဟာ ကမ္ဘာကျော် စာရေးဆရာမတစ်ယောက် ဖြစ်လာခဲ့ပါတယ်။

၉) ဘီးလ်တဲလ် (The Beatles)
အင်္ဂလန်နိုင်ငံက လူငယ်လေးတွေ သီဆိုတီးမှုတ်တာကို လူတွေက ဆူညံလွန်းတယ်။ ဘာတွေတီင်္းလို့ ဘာတွေဆိုနေမှန်း မသိဘူးလို့ ပြောကြတယ်။ သီချင်းဓာတ်ပြားထုတ်လုပ်သူတွေက သူတို့တီးခတ်ဆိုတာကို လူတွေ ကြိုက်မှာ မဟုတ်လို့ ဓာတ်ပြားမထုတ်ချင်ကြဘူး။ ဘီးလ်တဲလ်ဆိုတဲ့ တီးဝိုင်းဟာ မကြာခင် ပျောက်သွားမယ်လို့ ပြောကြတယ်။ ဘီးလ်တဲလ်တီးဝိုင်းဟာ မပျောက်သွားရုံအပြင် အင်္ဂလန်နိုင်ငံမှာသာမကဘဲ တစ်ကမ္ဘာလုံးမှာပါ ဟိုးဟိုးကျော်ကြားသွားခဲ့ပါတယ်။

၁၀) ဂျင်မ်ဂရေး (Jim Gray)
၁၉၇၀ ပြည့်နှစ်ကျော်လောက်က သူဟာ အားကစားပြိုင်ပွဲတွေမှာ အနိုင်အရှုံးကို ကြိုတင်ခန့်မှန်းပြောဆိုခဲ့တယ်။ သူဟာ ထင်ရာမြင်ရာတွေကို လျှောက်ပြောနေတယ်ဆိုပြီး လူတွေက သူ့ခန့်မှန်းချက်တွေကို မယုံကြဘူး။ တကယ်တော့ သူဟာ ကစားပွဲတွေ ကစားသမားတွေရဲ့ အချက်အလက်တွေကို သေသေချာချာ မှတ်သားထားပြီး အဲဒါတွေအပေါ် အခြေခံ ပြောလို့ ရာခိုင်နှုန်းအတော်များများ မှန်နေပါတယ်။ ဒါကြောင့်မို့ သူဟာ Fox စတဲ့ ရုပ်မြင်သံကြား အားကစားအစီအစဉ်တွေမှာ နာမည်ကြီးသူတစ်ယောက် ဖြစ်လာပါတယ်။

အခု မင်းမှာ အကြံတစ်ခု ရှိနေလား။ အဲဒီအကြံကို အကောင်အထည်ဖေါ်ဖို့ တွန့်နေလား။ ဘယ်လောက်ကောင်းတဲ့ အကြံဖြစ်ပါစေ၊ လူတွေ လှောင်ပြောင်မှာ ကြောက်လို့ အကောင်အထည် မဖေါ်ရင် ဘာမှ မလုပ်ရင် ဘာမှကို ဖြစ်လာမှာ မဟုတ်ဘူးလို့ ငါ သေချာပေါက် ပြောလိုက်မယ်ကွာ။

ဗန်းမော်သိန်းဖေ

ရှင့်အဖေကို ကျမအိမ်ပေါ်မှာမထားနိုင်ဘူး ပြောတဲ့ မိန်းမကို ပြစ်ပြီး ဖခင်ကို ခေါ်ဆင်းကာ ဖခင်ကိုသေတဲ့အထိပြုစုနေတဲ့သား

မိန်းမယုတ်ကိုထားခဲ့ပြီး ဆေးရုံမှာ ဖခင်သေတဲ့အထိ လုပ်ကျွေးပြုစုခဲ့တဲ့ သားလိမ္မာလေးပါ

က​မ္ဘောဒီးယားနိုင်​ငံက ဖြစ်​ရပ်​မှန်​​ကြေကွဲစရာမြင်​ကွင်း​လေးပါပဲ

လောကမှာ မိန်းမသေလို့ နောက်မိန်းမ တစ်ယောက်ထပ်ယူပြီး မိန်းမအစားထိုးလို့ သားသမီး အစားထိုးလို့ ရတာမှန်သော်ငြားလဲ မိဘသေလို့ မိဘအစားထိုး၍ မရနိုင်သည်ကတော့ အမှန်ပဲ ဖြစ်ပါလိမ့်မယ်။ တချို့သောလူများသည် မိဘများအပေါ်မှာ ကျေးဇူးတရား မသိတက်ကြသော်ငြာလည်း က​မ္ဘောဒီးယားနိုင်​ငံက Iv Kimsean အမည်ရှိတဲ့ အသက် ၃၀ နှစ်ရှိတဲ့ အမျိုးသားတစ်ဦးကတော့ ဆေးရုံမှာ ဖခင်သေတဲ့အထိ အလုပ်အကျွေး ပြုစုခဲ့ပါတယ်ဗျာ

Kimsean တို့ လင်မယားသည် လူကြီးချင်း သဘောတူလို့ ယူခဲ့ကြပါတယ်။ Kimsean မှာ ငယ်စဉ်က လူငယ်ချင်း ချစ်ကြိုက်နေကြတဲ့ ချစ်သူရည်းစား ရှိသော်လည်း မိဘများ စိတ်ချမ်းသာစေရန်အတွက် မိဘပေးစားသူ ယခုလက်ရှိ ဇနီးသည်နဲ့ ပေါင်းသင်း နေထိုင်ခဲ့ရပါတယ်။ ယခုတော့ ဇနီးသည်နဲ့ သဘောထားချင်း မတိုက်ဆိုင်ခဲ့ပြီး သူ၏ ဖခင်ဖြစ်သူကိုခေါ်ဆောင်၍ အိမ်ပေါ်က ဆင်းကာ ဆေးရုံမှာ ဖခင်သေတဲ့အထိ ပြုစုစောင့်ရှောက် အလုပ် အကျွေးပြုစုခဲ့ပါတယ်

Kimsean သည် သားလိမ္မာတစ်​ဦး​ဖြစ်ပြီး သူ၏ ဇနီးသည်က “ရှင့်အဖေကို ကျမအိမ်ပေါ်မှာမထားနိုင်တော့ဘူး” ဆိုလို့ ဇနီးသည် မိန်းမယုတ်ကို ပြစ်ထားခဲ့ပြီး အိမ်မှဆင်းကာ ဖခင်ဖြစ်သူနဲ့ ဆေးရုံမှာ ဖခင်ရဲ့ နောက်ဆုံးအချိန်ထိ အလုပ်အကျွေးပြုခဲ့တဲ့ သားလိမ္မာတစ်ဦးပေါ့။ ပရိတ်သတ်ကြီးလဲ Kimsean လို အဖြစ်မျိုးနဲ့ ကြုံတွေ့လာခဲ့ရင် မိန်းမနဲ့ မိဘ ဘယ်ဟာရွေးကြမလဲဗျာ

သိုးကျောင်းတဲ့ ဘဝမှ နှစ်ပေါင်း ၂၀ကြာပြီးနောက် နိုင်ငံရဲ့ပညာရေး ဝန်ကြီးဖြစ်လာခဲ့သူ

လူတိုင်းလိုလိုဟာ အိပ်မက်အကြီးကြီးတွေ ဆန္ဒအကြီးကြီးတွေထားရှိတတ်ပါတယ်။ ဒါပေမယ့် လူအနည်းငယ်ကသာ သူတို့ရည်မှန်းထားတဲ့ ပန်းတိုင်ကို ဆုပ်ကိုင်နိုင်ပြီး ကျန်တဲ့သူပေါင်းများစွာကတော့ အိပ်မက်မက်ရင်းနဲ့ပဲ ဘ၀ကို ကုန်ဆုံးလေ့ရှိပါတယ်။ ဒီလို သူတို့ရည်မှန်းချက်ကို မဖြစ်မနေ အကောင်အထည်ဖော်တဲ့လူအနည်းငယ်ထဲမှာ မော်ရိုကိုက သိုးကျောင်းသမလေး Najat Belkacem လည်းပါဝင်ပါတယ်။

သူမရဲ့ နာမည်အပြည့်အစုံက Najat Vallaud-Belkacem ဖြစ်ပါတယ်။ သူမကို ၁၉၇၇ အောက်တိုဘာ ၄ရက်နေ့မှာ မော်ရိုကိုက Bni Chiker ဆိုတဲ့ ရွာသာသာမြို့ငယ်လေးတစ်ခုမှာ မွေးဖွားခဲ့ပါတယ်။ သားသမီး ၇ယောက်ရှိတဲ့ အထဲက ဒုတိယမြောက်သမီးဖြစ်ပါတယ်။ ဖခင်က ဆောက်လုပ်ရေးလုပ်သားတစ်ဦးဖြစ်ပြီး မိသားစုများလွန်းတဲ့ သူမတို့မိသားစုဟာ အလွန်ဆင်းရဲခဲ့ပါတယ်။

ဒါကြောင့် သူမဟာ ငယ်စဉ်ကတည်းက သိုးတွေ ၊ ဆိတ်တွေကိုကျောင်းတဲ့ အလုပ်နဲ့ အဲဒီသိုးတွေ ဆိတ်တွေကို ရေတိုက်တဲ့အလုပ်ကို လုပ်ခဲ့ရပါတယ်။ ဒါပေမယ့် သူမဟာ ပညာရေးကို အလွန်ဝါသနာပါပြီး အချိန်ရှိသ၍ ကြိုးစားနေတတ်သူဖြစ်ပါတယ်။ ဒါကြောင့်လည်း အတန်းရဲ့ ထိပ်ဆုံးနေရာတွေကို အမြဲရလေ့ရှိသူဖြစ်ပါတယ်။ သူမရဲ့ရည်မှန်းချက်ကတော့ ထိပ်တန်းနိုင်ငံခေါင်းဆောင်တစ်ယောက်ဖြစ်လာဖို့ပါတဲ့။

အဲဒီနောက်တော့ တစ်မိသားစုလုံး မော်ရိုကိုကနေ ပြင်သစ်ကို ပြောင်းရွှေ့ခဲ့ပါတယ်။ အခွင့်အလမ်းများစွာရှိတဲ့နေရာဖြစ်သလို ဒုက္ခပေါင်းစုံကိုလည်း ကြုံတွေ့ခဲ့ရပါတယ်။ အဆိုးဆုံးကတော့ သူမဟာ ပြင်သစ်စကားမပြောတတ်တာပဲဖြစ်ပါတယ်။ ဒါပေမယ့် သူမဟာ အခက်အခဲတွေကို ထိပ်တိုက်ရင်ဆိုင်ခဲ့ပြီး မဆုတ်မနစ်ကြိုးစားခဲ့တာကြောင့် တဖြည်းဖြည်း အဆင်ပြေလာခဲ့တယ်။

ပါရီက နိုင်ငံရေးသိပ္ပံသင်တန်းကျောင်း တက်ခဲ့ပြီး ယောင်္ကျားလေးသူငယ်ချင်းတွေထားတာ ၊ နိုက်ကလပ် သွားတာတွေကို လုံးဝမလုပ်ခဲ့ပါဘူး။ ဖခင်ဖြစ်သူက တင်းကျပ်ထားတဲ့အပြင် သူမကိုယ်တိုင်လည်း ပညာရေးသည်သာ သူမအတွက်တစ်ခုတည်းသော အခွင့်အလမ်းလို့ သိထားလို့ဖြစ်ပါတယ်။ သူမဘ၀တစ်ခုလုံးကို ပညာသင်ကြားရေးမှာပဲမြုပ်နှံထားခဲ့တာကြောင့် အလွန်ထူးချွန်ခဲ့ပြီး ပြင်သစ်နိုင်ငံရဲ့နာမည်ကြီး Sciences Po (Paris Institute of Political Studies) ဆိုတဲ့ တက္ကသိုလ် တက်ဖို့အခွင့်အရေးရခဲ့ပါတယ်။

ဒီကျောင်းမှာ သူမဟာ နိုင်ငံရေးအပြင် စီမံခန့်ခွဲရေး နဲ့ တီထွင်ဆန်းသစ်မှုတွေကို သင်ယူခဲ့ပါတယ်။ ဒီကျောင်းတက်ခဲ့တာဟာ သူမသွားချင်တဲ့ နိုင်ငံရေးလမ်းကြောင်းအတွက် ကြီးစွာသော အထောက်အပံ့ဖြစ်ခဲ့တယ် လို့ သူမက ဆိုပါတယ်။ ဒီကျောင်းတက်နေရင်းနဲ့ပဲ သူမမိဘတွေကိုဝန်လျော့စေဖို့အတွက် အချိန်ပိုင်းအလုပ် နှစ်ခုကို တွဲလုပ်ခဲ့ပါသေးတယ်။ သူမရဲ့ အချိန်အားလုံးဟာ ကျောင်း နဲ့ အလုပ် မှာပဲ ကုန်ဆုံးခဲ့ရပါတယ်။

သူမ အသက် ၂၅နှစ်မှာတော့ Sciences Po တက္ကသိုလ် ကနေ သူမဟာ နိုင်ငံရေးဆိုင်ရာဘွဲ့ကို ရရှိခဲ့ပါတယ်။ ဘွဲ့ရပြီးပြီးချင်းမှာပဲ လိုင်ယွန်မြို့မှာရှိတဲ့ ပြင်သစ်ဆိုရှယ်လစ်ပါတီကို ၀င်ရောက်ခဲ့ပြီး သူမရဲ့နိုင်ငံရေးလုပ်ငန်းများကို စတင်ခဲ့ပါတယ်။ အဲဒီနောက်တော့ ပါတီဝင် အကြံပေးတစ်ယောက်ဖြစ်လာခဲ့တယ်။ ၂၀၀၅ခုနှစ်မှာ Boris Vallaud ဆိုသူနဲ့လက်ထပ်ခဲ့ပြီး ကလေးအမွှာရခဲ့ပါတယ်။ မိသားစု နဲ့ အလုပ်ကြားမှာ လုံးဝအားလပ်တဲ့အချိန်ဆိုတာ မရှိခဲ့သလောက်ပါပဲ။

ပါတီအတွက် ၇ နှစ်ဆက်တိုက် နိုင်ငံရေးအလုပ်တွေလုပ်ခဲ့ပြီးတဲ့နောက် ၂၀၁၂မှာ ပါတီရဲ့အကြီးအကဲဖြစ်လာခဲ့ပြီး ရွေးကောက်ပွဲဝင်ခဲ့ရာမှာ အမျိုးသမီးရေးရာ ၀န်ကြီးအဖြစ် ရွေးကောက်ခံခဲ့ရပါတယ်။ အဲဒီနောက်တော့ ၂၀၁၄ ခုနှစ်မှာ လူငယ်ရေးရာ နဲ့ အားကစားဝန်ကြီး ၊ မြို့တော်ရေးရော ၀န်ကြီး ဖြစ်ခဲ့ပြီး နောက်ဆုံးမှာတော့ ပညာရေးဝန်ကြီးဖြစ်လာခဲ့ပါတယ်။ ၂၀၁၇ မေလ အထိ ပြင်သစ်ရဲ့ ပညာရေးဝန်ကြီးတာဝန်ကို အောင်မြင်စွာ ထမ်းဆောင်ခဲ့ပြီး လက်ရှိအချိန်မှာတော့ သူမတတ်ကျွမ်းရာ နယ်ပယ်တွေမှာ ကူညီအားဖြည့်ရင်း သင်တန်း ၊ ဟောပြောပွဲ ၊ Debate များကို လုပ်ဆောင်လျှက်ရှိပါတယ်။ လူအနည်းစုသာ အောင်မြင်ရတဲ့အကြောင်းကို သူမက ဒီလိုပြောခဲ့ပါတယ်။

“လူအများစု မအောင်မြင်ရတာကတော့ သူတို့မှာ ဘယ်အချိန်မှာ ငါဘာဖြစ်ရမယ်ဆိုတဲ့ တိတိကျကျရည်မှန်းချက်မရှိတာ အပြင် အဲဒီရည်မှန်းချက်ဖြစ်လာဖို့ ဘာအခက်အခဲကိုမဆို ရင်ဆိုင်ကျော်ဖြတ်ပစ်မယ် ဆိုတဲ့စိတ်ဓာတ်မရှိကြလို့ပါပဲ။ ရည်မှန်းချက်တိတိကျကျရှိပြီး အခက်အခဲတိုင်းကို မလျှော့တဲ့ဇွဲနဲ့ ရင်ဆိုင်နိုင်တဲ့သူတိုင်း တစ်နေ့မုချ အောင်မြင်ရမယ် လို့ ကျွန်မပြောရဲပါတယ်။”

Credit – Thutazone

ခြေနှစ်ဖက်မသန်ပေမယ့် အားကျအတုယူဖွယ်ကောင်းတဲ့ မီနီမတ်ဆိုင် တည်ထောင်သူ

မလေးရှားနိုင်ငံရောက်ရင် 99 Speedmart မီနီမတ်ဆိုင်တွေကို နေရာတိုင်းလိုလို မြင်မိကြပါလိမ့်မယ်။ မီနီမတ်ဆိုင်တွေကို တည်ထောင်သူကတော့ လီသမ်ဝါဆိုသူ အမျိုးသားတစ်ဦးဖြစ်ပါတယ်။ လီသမ်ဝါကို (၁၉၅၄) ခုနှစ်မှာ မွေးဖွားခဲ့ပြီး သူ့ကို မီနီမတ်ဆိုင်တွေရဲ့ ဘုရင်လို့ သိကြပါတယ်။ လီဟာ ပင်ပင်ပန်းပန်းနဲ့ သူရှာဖွေစုဆောင်းလို့ရတဲ့ ငွေအရင်းအနှီးတွေနဲ့ မီနီမတ်အင်ပါယာကြီးကို အစဉ်တိုးချဲ့နေသူလည်း ဖြစ်ပါတယ်။ မသန်စွမ်းပေမယ့် သူဌေးကြီးတစ်ဦး ဖြစ်လာတဲ့အထိ စွမ်းဆောင်ရည်ကြီးမားလှတဲ့ လီရဲ့ အကြောင်းနဲ့ ပတ်သက်လို့တော့ အရမ်းစိတ်ဝင်စားစရာ ကောင်းပါတယ်။

လီဟာ (၈) လသား အရွယ်ကတည်းက ပိုလီယိုရောဂါဝေဒနာကို ခံစားခဲ့ရပါတယ်။ ရောဂါကြောင့် ဘ၀တစ်လျှောက်လုံး လမ်းမလျှောက်နိုင်တော့ပဲ ၀ှီးချဲလ်ပေါ်မှာ အချိန်ကုန်ရပါတယ်။ ငယ်ငယ်တုန်းက ဆင်းရဲတာကြောင့် ၀ှီးချဲလ်နဲ့လည်း ကျောင်းသွားဖို့အဆင်မပြေတာကြောင့် အတန်းပညာ(၆) တန်းထိသာ စာသင်ခဲ့ရပါတယ်။ လီရဲ့ ဖခင်ကတော့ ဆောက်လုပ်ရေးအလုပ်သမားပါ။ မိခင်ကတော့ ဈေးရောင်းပါတယ်။ မွေးချင်းကလည်း (၁၀) ယောက်လောက်ရှိတာကြောင့် မိဘတွေက အလုပ်သွားတဲ့အခါ လီနဲ့ မွေးချင်းတွေကို အဖွားဖြစ်သူက စောင့်ရှောက်ပေးရပါတယ်။

လီကို အင်တာဗျူးတဲ့အခါမှာတော့ အဖွားဖြစ်သူနဲ့ ပတ်သက်လို့ သူကအခုလို ပြောပြပါတယ်။ ငယ်ငယ်တုန်းက မွေးချင်း မောင်နှမတွေ သာမန်အတိုင်း လှုပ်ရှားကျင်လည်နေချိန်မှာ သူက ထိုင်ပြီး ကြည့်နေခဲ့ရပေမယ့် အခုအချိန်မှာ အဖွားဖြစ်သူကို တော်တော်လေး ကျေးဇူးတင်မိတယ်လို့ ဆိုပါတယ်။ “အဖွားက ကျွန်တော်ဟာ ရုပ်ပိုင်းဆိုင်ရာအနေနဲ့ပဲ မသန်စွမ်းတာ၊ စိတ်ပိုင်းဆိုင်ရာ မဟုတ်ဘူး။ ကျွန်တော်ဟာ ဥာဏ်ကောင်းတယ်၊ လက်နှစ်ဖက်သုံးပြီးလည်း ဘာမဆိုလုပ်နိုင်တယ်လို့ ပြောတယ်။ ကျွန်တော့်အနေနဲ့ အမှီခိုကင်းဖို့လိုပြီး ကိုယ့်ထူးကိုယ်ချွန်ရမယ်။ နို့မို့ဆို သူများနောက်ကျန်ခဲ့လိမ့်မယ် လို့ အဖွားကပြောလေ့ရှိတယ်။”

အဖွားဖြစ်သူရဲ့ စိတ်အားတက်စေမယ့် ဂရုဏာစကားတွေကြောင့်လားတော့ မသိပါ။ လီဟာ ကနဦးမှာ သူတို့အိမ်အောက်မှာပဲ မုန့်ပဲသွားရေစာလေးတွေကို ရောင်းပြီး စီးပွားရေးလေးတစ်ခု စလုပ်ခဲ့ပါတယ်။ ဒီကနေ ရောင်းလို့ရတဲ့ငွေကို စု၊ အလုပ်ကြိုးစားရာကနေ အသက်(၂၃) နှစ်မှာတော့ Pasar Raya Hiap Hoe အမည်ရတဲ့ ပထမဆုံး စတိုးဆိုင်လေးကို ဖွင့်လှစ်နိုင်ခဲ့ပါတယ်။ ဆိုင်လေးက ၀န်ဆောင်မှုကောင်းတယ်၊ ဈေးချိုတယ်၊ အမယ်စုံတယ်စသဖြင့် လူသိများလာရာကနေ လီရဲ့ စီးပွားရေးဟာ တစ်ရှိန်ထိုးတိုးတက်လာပါတော့တယ်။

စတိုးဆိုင်ကို (၅) နှစ်တာဖွင့်ကာ ပိုက်ဆံစုခဲ့ပြီးနောက် လီဟာ ပိုပြီး စွန့်စားချင်တာကြောင့် သူ့ဆိုင်လေးကို အမျိုးတစ်ယောက်ဆီ ရောင်းချခဲ့ပါတယ်။ ရလာတဲ့ငွေတွေနဲ့ သူ့ရဲ့ မီနီမတ်အင်ပါယာကြီးရဲ့ အစဖြစ်လာမယ့် ပထမဆုံး မီနီမတ်ဆိုင်လေးကို ဖွင့်လှစ်ခဲ့ပါတယ်။ စစဖွင့်ချင်းမှာ အခြေခံလူတန်းစား ဖောက်သည်တွေကို ပစ်မှတ်ထားခဲ့ပြီး နောက်ပိုင်းမှာတော့ တစ်စစနဲ့ သူ့စီးပွားရေးကို ချဲ့ထွင်လာခဲ့ပါတယ်။

(၂၀၀၀) ခုနှစ်မှာတော့ လီဟာ သူ့ရဲ့ မီနီမတ်ဆိုင်တွေအကုန်လုံးကို 99 Speedmart ဆိုပြီး အမည်ပြောင်းလဲခဲ့ပါတယ်။ အခုဆိုရင်တော့ လီရဲ့ 99 Speedmart ဆိုင်ခွဲတွေဟာ မလေးရှားမှာ ဆိုင်ခွဲပေါင်း (၁,၀၀၀) နီးနီး ရှိနေပြီ ဖြစ်ပြီး တစ်နှစ်ကို အသားတင်အမြတ်ငွေ မလေးရှားရင်းဂစ်(၂.၁)ဘီလျံလောက်ရှိကြောင်းလည်း သိရပါတယ်။ ရုပ်ပိုင်းဆိုင်ရာအားနည်းချက်ကြောင့် အားငယ်မနေပဲ ကိုယ်ပိုင်အစွမ်းအစတွေကို လူအများအားကျရအောင် ထုတ်သုံးပြခဲ့တဲ့ လီကတော့ စံနမူနာယူ လေးစားထိုက်သူတစ်ဦးပဲ ဖြစ်ပါတော့တယ်။

ဒေါ်လာသန်းတစ်ရာကုန်ကျတဲ့ အဂေါ်ဆုံး အကြမ်းဆုံး အိန္ဒိယကမင်္ဂလာပွဲ

အိန္ဒိယနိုင်ငံကတော့ ကမ္ဘာပေါ်မှာ ကုန်ကျစရိတ်အကြီးဆုံး မင်္ဂလာပွဲကြီးကို ဆင်နွှဲပြီး စိတ်လှုပ်ရှားနေကြပြီး Crazy Rich Asians ရုပ်ရှင်ထဲက ဇာတ်ဝင်ခန်းတွေကို သနားတယ်လို့ ပြောနိုင်မယ့် မင်္ဂလာပွဲကြီးကို မြင်တွေ့ရတော့မှာ ဖြစ်ပါတယ်။

ဒီဇင်ဘာ ၁၂ ရက်နေ့မှာ အာရှရဲ့ အချမ်းသာဆုံး စီးပွားရေးသမား ဖြစ်တဲ့ မူကက်ရ်ှအမ်ဘာနီ ဟာ သူ့သမီးချော အစ်ရှာကို အခြားအိန္ဒိယဘီလီယံနာ တစ်ဦးဖြစ်တဲ့ အာဂျေးပီရာမယ် ရဲ့သားဖြစ်သူ အန်နန်နဲ့ လက်ဆက်ပေးတော့မှာပါ။ လက်ထပ်ပွဲစီစဉ်သူ အသိုင်းအဝိုင်းက ထွက်လာတဲ့ သတင်းအရ တစ်ပတ်ကြာအောင် ကျင်းပမယ့် မင်္ဂလာပွဲကြီးဟာ အမေရိကန်ဒေါ်လာသန်းတစ်ရာခန့် ကုန်ကျမှာ ဖြစ်တယ်လို့ ဆိုပါတယ်။

မင်္ဂလာပွဲအကြို ပါတီကို ဖိတ်ကြားခံရသူတွေထဲမှာလည်း နာမည်ကျော်အဆိုတော် ဘီယွန်းစေး ကနေ အမေရိကန် နိုင်ငံရေးအထင်ကရ တစ်ဦးဖြစ်တဲ့ ဟီလာရီကလင်တန်ထိ ပါဝင်မှာပါ။ ဘီယွန်းစေးဟာ အကြိုပါတီ မှာလည်း Crazy in Love သီချင်းနဲ့ သီဆိုဖျော်ဖြေသွားမယ်လို့ သိရပါတယ်။ ဧည့်စာရင်းက ဘယ်လောက်တောင် ရှည်လျားများပြားသလဲ ဆိုရင် မင်္ဂလာပွဲကျင်းပသူ နှစ်ဖက်မိဘ တွေဟာ ကျင်းပမယ့်နေရာနားမှာ ကြယ်ငါးပွင့်ဟိုတယ် အနည်းဆုံးငါးခုကို ဌားရမ်းထားတယ်လို့ ဆိုပါတယ်။

သူတို့ရဲ့ မင်္ဂလာဆောင်ဖိတ်စာကိုလည်း ပြီးခဲ့တဲ့ နိုဝင်ဘာလဆန်းမှာ မြင်တွေ့ခဲ့ရပြီး လှပတဲ့ ဗူးလေးထဲမှာ ရွှေအစစ်သေတ္တာငယ် လေးခုထည့်ထားတဲ့ အလန်းစားဖိတ်ကြားမှုပါ။ မင်္ဂလာပွဲကျင်းပမယ့် အိန္ဒိယအလယ်ပိုင်း သာယာတဲ့ မြို့တော် အီဒိုင်ပူမှာလည်း အန်ဘာနီ မိသားစုက လူပေါင်းငါးထောင်ကျော်စာ တစ်နေ့သုံးနပ်နဲ့ လေးရက်တိတိ ကျွေးမွေးအလှူအတန်းလုပ်ခဲ့ပါတယ်။ မြို့တွင်းမှာ ရိုးရာအိန္ဒိယ ပန်းချီကားတွေ၊ အိုးတွေနဲ့ ရိုးရာ အနုအလှလက်ရာတွေကို ပြသထားတဲ့ ဈေးတစ်ခုကိုလည်း တည်ထောင်ခဲ့ပါသေးတယ်။

အဓိကမင်္ဂလာအခမ်းအနားကိုတော့ ယောက်ျားလေးဘက်က အိမ်ဖြစ်တဲ့ မွမ်ဘိုင်းမှ ၂၇ – ထပ် အဆောက်အုံမှာ ကျင်းပသွားမှာဖြစ်ပြီး မင်္ဂလာဆောင်အပြီး ပါတီပွဲကိုလည်း အဆိုပါမြို့မှာပဲ ဆက်ကျင်းပသွားမှာပါ။ ရယ်လီးယန့်စ်စက်မှုလုပ်ငန်းရဲ့ ဥက္ကဌဖြစ်တဲ့ မူကက်ရ်ှဟာ ဒီနှစ်အတွင်းမှာပဲ အာရှရဲ့အချမ်းသာဆုံး ဂုဏ်တံဆိပ်ကို တရုတ်နည်းပညာသူဌေး ဂျက်မား ထံမှ လွှဲပြောင်းယူခဲ့တာပါ။ အစ်ရှာဟာ သူ့ကလေးတွေထဲမှာ ပထမဆုံး လက်ထပ်မယ့် သူလည်း ဖြစ်ပါတယ်။

%d bloggers like this: